HAR QARICh YeRDAN UNUMLI FOYDALANISh - FAROVONLIKKA ELTADI
Bugungi kunda koʻklamning qulay, iliq kunlaridan foydalanib, ertagi ekinlarni ekib yuqori hosil olish uchun harakat tobora avj olmoqda. Chunki tomorqa yerlarda yetishtirilgan mahsulotlar eng avvalo yangi uzib isteʼmol qilinishi, ekologik tozaligi bilan afzal. Qolaversa, butun oila aʼzolari hamjihatlikda yetishtirgan mahsulotning taʼmi oʻzgacha boʻladi, roʻzgʻorga madad boʻladi.
Yashirishning hojati yoʻq, bugungiday “dorilomon kunlarda ham nochor yashayotgan, kam taʼminlangan oilalar yoʻq emas. Aholining ana shunday gʻamxoʻrlikka muhtoj qatlami uchun ham tomorqasini qoʻshimcha daromad manbaiga aylantirishi, chorva, parranda parvarishlash orqali qoʻshimcha daromad topishiga erishish albatta, kelgusida oʻz natijalarini beradi.
Yaqinda shu maqsadda tuman Kengashi deputatlari, “Oq oltin” ovul fuqarolar yigʻini hamda jamoat tashkilotlari xonadonma-xonadon yurib, mazkur ovulda yerdan foydalanish ahvoli ustidan deputatlik va jamoatchilik nazoratini amalga oshirdilar.
Tumanimizning “Oq oltin” ovuli aholisi azal-azaldan dehqonchilikda oʻziga xos tajriba va mahoratga ega. Ular birinchilardan boʻlib, koʻkpiyoz, sabzi, kartoshka, bodringlarni yetishtirib, bozorga chiqarishadi. Xonadonlar tomorqalarini koʻzdan kechirsangiz, hozir ertagi kartoshka, piyozlari koʻk solib turibdi.
Ovulning tajribali tomorqa egasi Yoʻldosh Samandarov oʻz hovlisida barpo etgan issiqxonasida pomidor, bodring, bulgʻor qalampiri kabi ekinlar koʻchatlarini yetishtirib, otiziga koʻchirib ham boʻldi. Erta ekilgan kartoshka bir tekis koʻkarib chiqqan.
Shuningdek, Egambergan Safarniyozov, Akram Yusupovlarning tomorqasida ham koʻzni quvontiradigan manzaralarni koʻrish mumkin. Pushtalarga koʻchirib oʻtqazilgan pomidor, bulgʻor qalampiri, bodring nihollari rivoji yaxshi.
Ovulning “Toza bosu” aholi punktidagi yangidan bunyodga kelgan, 50 tadan ziyod xonadon istiqomat qilayotgan shu nomdagi koʻcha boʻylab yurgan kishi atrofning oqarib, shoʻrlab yotganidan ajablanishi tayin. Koʻcha yaqinidan ulkan yop oqib oʻtganligi sababli koʻchadagi barcha xonadonlarning tomorqa yerlari ham haddan ziyod shoʻrlab ketgan.
- Yerimizga ketmon ursak, zah suv chiqadi. Biz ham oʻzimizga kerakli mahsulotlarni oʻz tomorqamizdan yetishtirishni orzu qilamiz, - deyishadi mazkur koʻchada istiqomat qiluvchilar.
Nazorat guruhi aʼzolari ularga amaliy yordam berish yuzasidan chora-tadbirlar belgiladilar.
Shuningdek, ovulda faoliyat yuritayotgan “Nazokat-Shohruh” fermer xoʻjaligida oʻtgan yili xoʻjalik ekin maydonlarining ayrim qismiga rejada belgilanmagan ekin-sholi ekilgani aniqlanib, xoʻjalik raisi Ikrom Davlatyorov kelgusida buningdek holatni takrorlamaslik yuzasidan ogohlantirildi.
maydonlarimizda, tomorqa yerlarda yetishtiriladigan hosil kelgusi farovon hayotimizni taʼminlaydi. Shu boisdan ham bu masalaga hech kim beparvo qarashga haqqi yoʻq.
O.Rajabova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
