9-aprel – Qoraqalpogʻiston Pespublikasi Konstitutsiyasi qabul qilingan kun. Konstitutsiya – baxtimiz qomusi
Konstitutsiya – davlat qonunchiligining asosi hisoblanadi. Demokratik davlatlarda konstitutsiya va qonunlar ustun boʻlib, unga muvofiq ish koʻriladi. Davlat va jamiyatning qonuniy manfaatlari, fuqarolarning huquq va erkinliklari Konstitutsiyada mustahkamlangan boʻlib, unga koʻra himoya qilinadi.
1993-yil 9-aprel kuni Qoraqalpogʻiston Pespublikasi Oliy Kengashining 12-chaqiriq 12-sessiyasida Qoraqalpogʻiston Pespublikasi Konstitutsiyasi qabul qilingan edi. Shundan buyon Konstitutsiyamiz davlat va jamiyat taraqqiyotining huquqiy poydevori boʻlib kelmoqda. Bu yil ushbu sanaga 25-yil toʻldi.
Tuman Madaniyat va aholi dam olish Markazi binosi oldida shu munosabat bilan katta tadbir oʻtkazildi.
Tadbirda Konstitutsiyamizning mohiyatiga taʼrif berilib, unda davlat tuzilishi, boshqaruv shakli, davlat organlarini tuzish tartibi, ularning vakolatlari, fuqarolarning shaxsiy huquq va erkinliklari, burchlari mustahkamlab qoʻyilgani taʼkidlandi.
Tadbir doirasida Oʻzbekiston Pespublikasi Mudofaa Vazirligi Qurolli Kuchlar markaziy ashula va raqs ansambli, Shimoliy-gʻarbiy harbiy okrug hamda tuman hokimligi hamkorligida “Amir Temur avlodimiz” shiori ostida harbiy vatanparvarlik aktsiyasi tashkil qilindi.
Pespublikasi Mudofaa Vazirligi Qurolli Kuchlar markaziy ashula va raqs ansambli sanʼatkorlarining Vatanni madh etuvchi qoʻshiq va dilrabo raqslari, Shimoliy-gʻarbiy harbiy okrug harbiylari ishtirokidagi jang sanʼati usullari hamda tuman Madaniyat boʻlimining “Konstitutsiya – baxtimiz qomusi” deb nomlangan musiqiy dasturi tomoshabinlarga koʻtarinki ruh va zavq bagʻishladi.
Mazkur tadbir va aktsiya doirasida oʻtkazilgan musiqiy dasturlar unda ishtirok etgan yoshlar xotirasida uzoq vaqt saqlanib qolishi shubhasiz.
Ozoda XUDOYBEPGANOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
