“Kitobim – oftobim” haftaligi oʻkazildi

Tuman xalq taʼlimi tizimidagi “Kitobxonlar bayrami”ni oʻtkazish borasidagi anʼanaga koʻra 69-onli umumtaʼlim maktabida ham har yili shunday tadbir oʻtkazilib kelinadi.

Joriy yilning 5-10-mart kunlari maktabda “Kitobxonlar bayrami” doirasida “Kitobim – oftobim” haftaligi oʻtkazildi. Maktabning 1-4-sinf oʻquvchilarida kitob oʻqish madaniyatini shakllantirish maqsadida oʻtkazilgan haftalikning birinchi kunida 1-sinfda “Kitobi borning xazinasi bor”, ikkinchi kunida 2-sinfda “Men sevgan ertak qahramoni”, uchinchi kunida 3-sinfda “Ertaklar olamiga sayohat”, toʻrtinchi kuni 4-sinfda “Eng mashhur ertak” mavzusida adabiy kechalar tashkil etildi.

Haftalik davomida oʻquvchilar sinflar rahbarlari maktab kutubxonachisi L.Yuldasheva bilan birgalikda oʻquvchilarni kutubxonada mavjud boʻlgan bolalar adabiyotlari bilan tanishtirdilar va kitoblar mazmuni haqida tushunchalar berdilar.

Haftalikning beshinchi kunida maktabda yakuniy tadbir oʻtkazilib, unda oʻquvchilarning oʻqigan kitoblari haqidagi fikrlari eshitildi.

Maktabda oʻtkazilgan “Kitobim – oftobim” haftaligi yakuniga koʻra 2-“B” sinf oʻquvchilari “Men sevgan ertak qahramoni” mavzusi boʻyicha gʻolib deb topildi.

Shuningdek, ushbu tadbirda Ziyoda Normatova, Dinora Otajonova va Umida Jabborberganovalarning ham faol ishtirok etishgani alohida tilga olindi.

“Kitobim – oftobim” haftaligi maktab oʻquvchilarida kitobxonlik madaniyatini shakllantirishda va ularning maʼnaviy dunyosining boyishida katta ahamiyat kasb etadi.

Aziza Erimmatova, maktabda tashkil etilgan

“Muxbirlar posti” aʼzosi.