QADRIYaTLAR QADRLANADIGAN MASKAN
Men bolalik paytlarimda qishlogʻimizda oʻzi nimjon, tili ham duduq, yolgʻiz yashaydigan kishi bor edi. Unga kimdir rahmi kelib, pul yo biror kiyim bermoqchi boʻlsa, birovning haqi kerak emas, deb koʻngli ogʻrib qolar, shunday paytlarda kun boʻyi uyidan tashqariga chiqmay qoʻyardi.
Beozor, koʻnglida kiri yoʻq, zarurdan koʻmagini ayamaydigan bu odamga hech kim befarq qaramasdi, unga gʻamxoʻrlik qilishning ham ajoyib usulini qoʻllashardi. Yaʼni kimdir toʻy-maʼraka yo kattaroq yigʻin bersa, unga samovarda choy qaynattirib qoʻyar (u vaqtlarda gaz qayoqda deysiz?), kimlarningdir borar joyi chiqsa, moli-holiga qarab turishni tayinlar, buning uchun tirikchiligiga yetgulik pul berar, toʻy berganlar yaxshi niyat bilan kostyum yo chopon kiydirishardi.
U bu hadyalarni oʻzicha «halol»lab olar, nazarimda pul sanashni ham bilmasdi chogʻi, quvonib kiyib yurardi. Ota-onam ham biz farzandlariga u haqda gap ochilib qolguday boʻlsa, hech qachon kamsitmang, oldidan salom berib oʻting, deya tayinlashardi.
Bularning tagidagi chuqur hikmatni – ojizlarga gʻamxoʻr-lik, oʻzaro mehr-oqibat va bagʻrikenglik kabi umrbo-qiy urf-odat va anʼanala-rimizning naqadar ulkan qadr-qimmatini, hamqishloq-larimning qanchalik maʼnaviyatli ekanligini keyin ang-ladim. Oʻylab qarasam, har kimning Vatan ichra kichik Vatani – oilasi, mahallasi ulkan dorilfunun ekan.
Chunki hamma ham oilada, mahallada kamolga yetadi. Agar oilada ajdodlarimizdan asrlar osha bizgacha yetib kelgan umrboqiy urf-odat va anʼanalarimiz, qadriyat-larimiz mazmun-mohiyati teran singdirib borilsa, har bir oʻgʻil-qiz odobli-axloqli va intiluvchan boʻlib voyaga yetadi.
Shundan kelib chiqib aytish mumkinki, milliy urf-odat, anʼanalarni saqlab, kelgusida avlodlarga yetkazishda oilalarning roli beqiyos.
Qadriyat darajasiga koʻtarilgan urf-odatlarimiz, anʼanalarimizni qadrlash, bu merosning qadriga yetish, turmushga tatbiq etish har bir shaxsni maʼnaviy barkamollikka eltadi. Bunda oilaning roli beqiyos. Oila – milliy urf-odat, anʼana, qadriyatlar qadr topadigan maskandir.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
