MENING MAHALLAM – MENING FAXPIM
Ha, azizlar, men tugʻilib oʻsgan ota makonim – “Daryo boʻyi” mahallasi mening faxrim. Qipchoq ovul fuqarolar yigʻini tarkibida, 2011-yilda tashkil etilgan mahallamiz haqiqatdan ham joʻshqin Amudaryo sohilida joylashgan, Amu toʻlqinlarining shovullashi eshitilib turadi. Daryo sohili boʻylab 4,5 kvadrat kilometr hududni egallagan mahallamiz koʻchalari, har bir xonadon obod. “Qipchoq” va “Taraqqiyot” aholi punktlarida 910 ta xonadon boʻlib, 1510 ta oilada 5718 nafar kishi istiqomat qiladi. Mahallamiz hududida ikkita umumtaʼlim maktabi va men tahsil oladigan Amudaryo agrobiznes kasb-hunar kolleji, 21-sonli bolalar musiqa va sanʼat maktabi, bolalar bogʻchasi bor. Kollejimizda, musiqa va sanʼat maktabida iqtidorli yoshlar juda koʻp. Ular tuman, hatto Qoraqalpogʻiston va Oʻzbekiston miqyosidagi turli xil koʻrik-tanlovlarda ishtirok etishib, yuqori natijalarga erishib kelishmoqda.
Mahallamizdagi “Agroservis” MChJ korxonasi, shuningdek, 12 ta xususiy doʻkon, dorixona, qurilish mollari doʻkoni, oshxona va oilaviy korxonalar, un tortish tegirmonlarida asosan yoshlar mehnat qilishadi.
Amudaryo agrobiznes kasb-hunar kollejidagi axborot-resurs markazi ZIYONET tarmogʻiga ulangan. Bu ziyo maskani hududdagi barcha kitobsevar yoshlarning, hatto ota-onalarimizning ham sevimli maskani hisoblanadi. Mahalamizda “Men, ota-onam va butun oilamiz kitobxon” degan ezgu qoidaga amal qiluvchilar juda koʻp. Har bir oilaning oʻz kitob javoni, hech boʻlmaganda oʻzlari asarlarini sevib oʻqiydagin adib va shoirlari bor. Mahallamizning piru badavlat momo-bobolari va mening bobom Murod bobo Saparov, buvim Orzigul Paimovalar biz yoshlarga yaqin maslahatgoʻy. Ular mahallamizda oʻtkaziladigan toʻy-marosimlarni tartibli, kamchiqim oʻtkazish borasidagi xayrli ishlarning doimiy targʻibotchilaridir.
Ana shunday totuv, farovon yashayotgan mahallam ahli mening hayotdagi eng yaqin, eng qadrdonlarimdir va men “Daryo boʻyi” mahallamiz bilan hamisha faxrlanaman.
Oyzoda Xudoyorova, Amudaryo agrobiznes kasb-hunar kolleji oʻquvchisi,
“Yosh muxbirlar” toʻgaragi aʼzosi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
