«XALQIMIZ EPTAGA EMAS, UZOQ KELAJAKDA EMAS, AYNAN BUGUN OʻZ HAYoTIDA IJOBIY OʻZGAPIShLAPNI KOʻPIShNI ISTAYDI»

Prezidentimiz Sh.Mirziyoyevning Oliy Majlisga Murojaatnomasi  yurtdoshlarimiz tomonidan qizgʻin oʻrganilmoqda

Maryam Ahmedova, tuman hokimi oʻrinbosari, Xotin-qizlar qoʻmitasi raisi:

Oʻzbekiston Pespublikasi Prezidentining Oliy Majlisga Murojaatnomasini bevosita videotizim orqali chuqur hayajon bilan tingladim. Bunday Murojaatnoma  mamlakatimiz tarixida ilk bora taqdim etilayotgani va unda barcha sohalar qamrab olingani bilan kishini juda hayratga soladi, yurtimizning bugungi va ertangi kuni koʻz oldimizda namoyon boʻladi.

Davlatimiz rahbarining ayollarning ogʻirini yengil qilish, yashash sharoitlarini yaxshilash, ularga farzand tarbiyasida chin maʼnoda koʻmaklashish orqali ularning oʻzi uchun ham yashashiga imkon yaratish borasida qiladigan ishlarimiz koʻpligi haqida juda ham kuyunib gapirishlari,   yurtimizdagi har bir ayolning, onaning ichki kechinmalari, yashash sharoitlari, oʻy-fikrlarini xuddi yonida turgandek tahlil qilib berishlarini koʻrib, koʻzlarimga kelgan yoshni arang toʻxtatdim. Qanchadan-qancha sohalar, yoʻnalishlar, yechimini kutayotgan qancha masalalar turibdi. Lekin Muhtaram Prezidentimizning eng avval ayollar masalasiga, muammosiga  toʻxtalgani bu sohaning oʻta dolzarb ekanini koʻrsatadi. Chunki Oʻzbekiston aholisining deyarli yarmini ayollar tashkil etadi va kelgusi avlod tarbiyasi ham ayollarga bogʻliq.

Bu borada Oʻzbekiston Xotin-qizlar qoʻmitasi hududiy boʻlimlari faoliyatiga tanqidiy baho berildi. Xotin-qizlar qoʻmitalarining olib borayotgan ishlari qoniqarli boʻlmayotgani, ularning oʻz vazifa va maqsadlarini yetarli darajada tushuna olmayotgani, har bir ayolning dardini oʻz dardi deb his qila olmayotganiga alohida eʼtibor qaratildi. 

Tumanlarda hali bu borada foydalana olmayotgan imkoniyatlarimiz koʻp. Fidoyi, vatanparvar, ishbilarmon, katta hayotiy tajribaga ega ayollarimizning kuchidan yetarli foydalandikmi? Yoki koʻzi yonib turgan, bilimga, ilmga chanqoq, yangilikka intiluvchan yosh qizlarimizni qay darajada qoʻllab-quvvatlab, oʻstirishga harakat qilayapmiz?  Ularning kuchidan oilalarni oʻrganish, muammolarni birgalikda hal etishda qanday foydalana oldik? Tegishli idora, tashkilot rahbarlari oldiga ayollar masalasini hal qilmasa boʻlmaydigan darajada koʻndalang qoʻya oldikmi? Agar toʻliq foydalana olsak,  imkoniyat ham, vakolat ham bor.

Tumanimiz aholisi 190 mingdan oshgan boʻlsa, shundan 94 mingdan ziyodini ayollar tashkil etadi. 41 mingdan ortiq oila mavjud. 2017-yil davomida olib borilgan faoliyatimizni tahlil qilsak, albatta, samarali natijalar ham boʻldi. Tumanda oʻtgan yil bilan solishtirganda xotin-qizlar oʻrtasida huquqbuzarlik va jinoyatchilik holatlari 56 foizga kamaygan boʻlsa, oʻz joniga qasd va suiqasd etish holatlari  65 foizga kamayishiga erishildi. Tadbirkorlik faoliyatiga jalb etilgan ayollar soni va ularga ajratilgan kreditlar miqdori oshdi. Nogironligi boʻlgan ayollarning turmush sharoitlarini yaxshilashda samarali ishlar amalga oshirildi. Oilalarni maqsadli oʻrganish tizimi yaratildi.

Lekin, tumanimiz ayollaridan hali Prezidentning virtual va Xalq qabulxonalariga kelayotgan murojaati toʻxtamayotgan ekan, demak, olib borayotgan ijobiy ishlarimiz bilan birga  kamchiliklarimiz ham koʻp.  Bitta ayol jinoyat sodir etar ekan, yoki bitta ayol oʻz joniga qasd etar ekan, hali faoliyatimiz toʻlaqonli emas. Bir nafar ayol ogʻir sharoitda yashar ekan, hali vakolatimizni tushunib yetmayapmiz.

2018-yilning  yurtimizda «Faol tadbirkorlik, innovatsion gʻoyalar va texnologiyalarni qoʻllab-quvvatlash yili» deb eʼlon qilinishi munosabati bilan xotin-qizlar tadbirkorligini yanada rivojlantirish va shu orqali ular bandligini taʼminlash, natijada turmush sharoitlarini yanada yaxshilash eng asosiy vazifalardan biridir. 

Ishimizni sifat va mazmun, samara va natija jihatdan qayta koʻrib chiqishimiz, masʼuliyat, javobgarlikni  yanada oshirishimiz, eng muhimi, fidoyi boʻlib, har bir ayolning dardu tashvishini oʻz yuragimizdan oʻtkazib mehnat qilishimiz, har bir ayol yurtimizda boʻlayotgan yangilanishlar, islohotlar natijasini bugun sezishi, har bir ayol ertani kutib emas, bugun yaxshi yashashi kerak degan tamoyil bilan  xizmat qilish har birimizning  eng muhim burchimiz va vazifamizga aylanishi kerak.

***

Nasiba SOBIPOVA, 4-sonli maktabgacha taʼlim muassasasi mudirasi:

Prezidentimiz Sh.Mirziyoyevning Oliy Majlisga Murojaatnomasini butun Oʻzbekiston ahli qatori men ham zoʻr qiziqish bilan tingladim. Mazkur Murojaatnoma tobora rivojlanib, yuksalayotgan mamlakatimiz taraqqiyotini yangi bosqichga olib chiquvchi hujjat boʻldi, desak aslo xato boʻlmaydi.

Barcha sohalar qatorida maktabgacha taʼlim tizimiga ham alohida eʼtibor qaratilganidan soha xodimi sifatida juda ruhlandim. Prezidentimiz Murojaatida taʼkidlaganlaridek, taʼlim-tarbiya sifati va darajasini yangi bosqichga koʻtarishimiz lozim. Chunki, biz tarbiya qilayotgan yosh alvod tarbiyasi Vatanimiz kelajagi uchun muhim. Biz munosib qilib tarbiyalagan har tomonlama yetuk, barkamol farzandlargina yurt kelajagini yarata oladi.

Davlatimiz rahbarining tizimni yanada takomillashtirishga qaratgan eʼtiborlari tufayli yaratilayotgan imkoniyatlardan foydalanib, bu borada jonbozlik koʻrsatish – bizning vazifamiz. Prezidentimiz sohaning moddiy-texnik bazasini mustahkamlash va yaqin yillarda koʻplab bogʻchalar qurilishini ham taʼkidlab oʻtdilar. Bu kelajakda sohadagi islohotlar koʻlamining yanada ortishidan dalolat beradi. Oʻz navbatida soha xodimlari sifatida bu jarayonga biz ham munosib hissa qoʻshishimiz va masʼullikni yanada kuchaytirishimiz, faollik koʻrsatishimiz darkor.

Aminmanki, bu Murojaatnoma har bir yurtdoshimiz qalbida Vatanimizning ertangi kuniga, buyuk kelajagiga ishonchini yanada mustahkamladi.