FHDYo boʻlimining yangi binosi foydalanishga topshirildi
1-dekabr kuni tumanimizda fuqarolik holati dalolatnomalarini yozish boʻlimining yangi binosi qurilib, foydalanishga topshirildi. Zamonaviy va milliy arxitektura uygʻunligida barpo etilgan "Baxt uyi” majmuasining koʻrkam va shinam binosi "Qurilish xizmat” masʼuliyati cheklangan jamiyati quruvchilari tomonidan 6 oy muddat ichida qurib bitkazildi. Qurilish ishlariga 1 mlrd. 254 mln. soʻm mablagʻ sarflandi. Majmuaning muhtasham binosida nikoh marosimlarini qayd etish zali, "Oila dorilfununi”, hujjatlarni saqlash va shu kabi boshqa xonalar, shuningdek, davlat Notarial idorasi xonasi zarur jihozlar bilan taʼminlangan.
Yangi binoning ochilishi marosimida Qoraqalpogʻiston Respublikasi Joʻqorgʻi Kengesi qoʻmitasi boshligʻi Sagʻindiq Turmanov, Qoraqalpogʻiston Respublikasi Adliya Vaziri Jangabay Sodiqov, tuman hokimi Sultonboy Yoʻldashev hamda boshqalar ishtirok etdilar. Ochilish marosimida soʻzga chiqqanlar mamlakatimizda adliya tizimida amalga oshirilayotgan islohotlar, sohaga qarashlimuassasalarning moddiy-texnika bazasini yaxshilash boʻyicha qilinayotgan ishlarga keng toʻxtaldilar.
– Joylardagi kabi tumanimizda ham inson manfaatlarini taʼminlash maqsadida "Baxt uyi” uchun zamonaviy va muhtasham bino bunyod etildi, - deydi tuman FHDYo boʻlimi mudirasi Sanobar Xolboyeva. – Bu aholiga tezkor va sifatli xizmat koʻrsatish samaradorligini oshirishga xizmat qiladi. Yangi binoda yaratilgan sharoit va imkoniyatlar bizni astoydil va masʼuliyat bilan ishlashga ruhlantirmoqda.
Shu kuni "Baxt uyi”da dastlabki yosh oilaning nikohini qayd etish marosimi boʻlib oʻtdi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
