ShOʻʼBA YIGʻILIShLARI: ILGʻOR TAJRIBA VA MAHORAT MAKTABI
Har yili butun mamlakatimiz boʻylab mustaqillik bayrami arafasida oʻqituvchilarning anʼanaviy Avgust kengashlari boʻlib oʻtadi. Yuksak mahorat, tajriba, eng zamonaviy innovatsiyalar maktabi vazifasini oʻtovchi ushbu tadbir oldidan oʻtkaziladigan shoʻʼba yigʻilishlarida maktab taʼlimi va pedagoglar oldida turgan muhim vazifalar belgilab olinadi.
Anʼanaviy Avgust kengashi arafasidagi shoʻʼba yigʻilishlari 18-avgust kuni 16-, 40-, 31- va 76-sonli maktablarda oʻtkazildi va bu yigʻilishlarda 2500 nafar oʻqituvchilar ishtirok etishdi.
Shoʻʼba yigʻilishi boshlanishdan sal oldin 16-sonli umumtaʼlim maktabiga kirib borar ekanmiz, bu oʻquv maskanida ushbu tadbirni oʻtkazishga qizgʻin tayyorgarlik koʻrilganiga guvoh boʻldik. Aniq fanlar yoʻnalishi boʻyicha ixtisoslashtirilgan maktabning har bir sinfxonasi, laboratoriya va maxsus fan xonalaridan tortib, sport zali, fanlar boʻyicha toʻgarak ishlari va mashgʻulotlar olib boriladigan xonalar zamon talablariga mos ravishda jihozlangani ishtirokchilar eʼtiboridan chetda qolmadi.
Boʻlib oʻtgan shoʻʼba yigʻilishlarida oʻqituvchilar Oʻzbekiston Respublikasi Vazirlar Mahkamasining 2017-yil 6-apreldagi "Umumiy oʻrta va oʻrta maxsus, kasb-hunar taʼlimining davlat taʼlim standartlarini tasdiqlash toʻgʻrisida”gi 187-sonli va 15-martdagi "Umumiy oʻrta taʼlim toʻgʻrisidagi Nizomni tasdiqlash haqida”gi 140-sonli qarorlarining mazmun-mohiyati bilan tanishdilar. Shuningdek, kompetentsiyaviy yondashuvga asoslangan davlat taʼlim standartlari va oʻquv dasturlarini amaliyotga samarali joriy etish yuzasidan tavsiyalar oldilar. Oʻqituvchilar erishayotgan ilgʻor tajribalarni namoyish etish va ommalashtirish, bilimlar bellashuvi hamda fan olimpiadasi natijalari tahlili yuzasidan ishtirokchilarning fikr-mulohazalari umumlashtirildi. 11 yillik umumiy oʻrta taʼlimga oʻtilishi munosabati bilan umumiy oʻrta taʼlim muassasalari rahbarlari va pedagoglari oldida turgan vazifalar belgilab olindi.
"Oʻrgan-oʻrgat” tamoyili asosida oʻtgan shoʻʼba yigʻilishlari ishtirokchi oʻqituvchi-murabbiylar uchun haqiqiy tajriba va mahorat maktabiga aylanib ketdi.
R.YOʻLDOShEVA.
(Foto - http://zarnews.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
