Qoraqalpogʻistonlik OAV xodimlari Orol dengiziga sayohat uyushtirdi
Shu yilning 27-28-may kunlari jami 40 nafar ommaviy axborot vositalari va mutaxassislar ishtirokida Orol dengizi va Moʻynoq tumani hududiga mediatur tashkil qilindi.
Mediatur Qaraqalpogʻiston Respublikasi Vazirlar Kengashi yordamida Qoraqalpogʻiston axborot agentligi va Oʻzbekiston jurnalistlar ijodiy uyushmasi Qoraqalpogʻiston boʻlimi tomonidan tashkil qilingan boʻlib, mazkur tadbirni uyushtirishdan maqsad – Oʻzbekiston Respublikasi Prezidentining 2017-yil 28-fevral kungi «Qoraqalpogʻiston Respublikasi Moʻynoq tumanini 2017-2018-yillarda iqtisodiy rivojlantirish va bandlikni taʼminlashga doir qoʻshimcha chora-tadbirlar toʻgʻrisida»gi PQ-2803-sonli qarori ijrosini taʼminlash yuzasidan, yaʼni Moʻynoq tumani va Orol dengizi hududiga turistlarni kengroq jalb qilishni nazarda tutgan holda hududning tabiati, tarixi, hayvonot olami va tuman xalqining dasturlari, anʼanalari haqida jurnalistik materiallar tayyorlashdir.
Tadbirning birinchi kuni mediatur ishtirokchilari eski Buyuk ipak yoʻli boʻylab "Sudoche” koʻli flora va faunasi bilan tanishishdi, tabiatda kamyob uchraydigan flamingo qushlarini tomosha qilishdi, "Sudoche”dagi XII-XIII asrlarga tegishli tarixiy obida – signal minorasiga safar uyushtirdi va shu kuni Orol dengiziga yetib kelib, dengiz qirgʻogʻidagi oʻtovlarga joylashdi va kechasi olov atrofida madaniy-adabiy tadbirlar uyushtirishdi.
Mediaturning ikkinchi kuni Orol dengiziga choʻmilish, dengizda katerda va dengiz qirgʻogʻida kvadratsikllarda uchish hamda mutaxassislar bilan intervyular uyushtirish bilan boshlandi.
Bepoyon Qoraqalpoq yurtidagi shunday muʼjaz maskanlarni koʻrishga muvaffaq boʻlgan mediatur ishtirokchilarining hayrati har qadamda yanada oshib borar edi. Dengizning gʻarbiy qismiga ikki kilometr joyda Ustyurt platosi chinki ostida joylashgan tarixiy esdalik – XII-XIII asrlarga tegishli «Kurgancha» (Dauletgirey) arxeologik kompleksiga, Ustyurt kanonlariga, hali oʻz sirini ochmasdan yotgan koʻchmanchi qabilalar davriga oid qator tariyxiy obʼektlarga safar uyushtirdi.
Ommaviy axborot vositalari xodimlarini Orol dengizi hududiga sayoxatga olib chiqish ilk bor tashkil qilindi, - deydi mediatur tashkilotchisi, Qoraqalpogʻiston axborot agentligi Ye.Qanaatov. Orol muammosi haqida ijod qilayotgan kasbdoshlarimiz koʻp, lekin Orol dengizini, hududdagi ekologik vaziyatni oʻz koʻzi bilan koʻrib, yuragidan oʻtkazib ijod qilgan boshqa. Moʻynoq tumani koʻpchilikning tasavvurida faqat fojeali ekologik zona sifatida gavdalanadi. Lekin, bu toʻgʻri emas. 240dan ortiq turdagi qushlar saltanati hukm surayotgan "Sudoche” koʻlini, betakror Ustyurt chinklarini, kanonlarini, moʻʼjaz Orol dengizi akvatoriyasini va Ustyurt kengliklaridagi koʻplab uchrashadigan tarixiy obidalarni koʻrgan kishi butun umr ushbu makonga mehr bogʻlashi tabiiy. Demak, Moʻynoq tumani va Orol dengizi hududini hamma koʻrishi kerak.
Qoraqalpogʻistonda yashab turib Orol dengizini koʻrmaganlar koʻp, - deydi Qoraqalpoq davlat universiteti dotsenti Yakub Ametov. Mening oʻzimning ham Orolni koʻzim bilan koʻrish buyuk orzuim edi. Bunday goʻzal manzaralarni umrimda birinchi bor koʻrishim. Moʻynoq tumanida shunday goʻzal maskanlar bor ekan, demak ekoturizmni rivojlantirishga katta potentsial mavjud. Birinchi navbatda mahalliy turizmni rivojlantirish kerak.
Mediatur tafsilotlari haqida ommaviy axborot vositalarida, ijtimoiy tarmoqlarda, internet nashrlarida batafsil yoritilib boriladi.
Tadbirda jurnalistik materiallar tayyorlashda OʻzFA Qoraqalpogʻiston boʻlimi, Qoraqalpogʻiston Respublikasi ekologiya va atrof-muhitni muxofaza qilish davlat qoʻmitasi mutaxassis va olimlari yaqindan yordam koʻrsatishdi.
2 kunlik mediaturni tashkil qilishda "Oʻzavtodaryotrans" Qoraqalpogʻiston boʻlimi, "UzKorGas Chemical", «Zarubejneftegaz - GPD Tsentralnaya Aziya» MChJ, "Ustyurtgaz" MChJ korxonalari, shuningdek "Tazabay grand service” MChJ va "Ayim tour" turistik kompaniyasi hamkorlik qilishdi.
Qoraqalpogʻiston axborot agentligi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
