FUQAROLAR MUROJAATI DOIM EʼTIBORDA
Asosiy Qonunimiz – Oʻzbekiston Respublikasi Konstitutsiyasining 35-moddasida har bir shaxs bevosita oʻzi va boshqalar bilan birga vakolatli davlat organlariga, muassasalariga yoki xalq vakillariga ariza, taklif va shikoyat bilan murojaat qilishi mumkinligi belgilab qoʻyilgan.
"Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida ham jismoniy va yuridik shaxslarning murojaatlari ogʻzaki, yozma yoki elektron shaklda boʻlishidan qatʼiy nazar, qonunda belgilangan tartibda va muddatlarda koʻrib chiqilishi va natijasi haqida murojaat egasiga yozma ravishda javob berilishi shartligi belgilab qoʻyilgan.
Qoraqalpogʻiston Respublikasi prokuraturasi tomonidan ushbu Qonun ijrosini taʼminlash borasida davlat boshqaruvi organlari va ularning quyi tizimlari, nazorat-tekshiruv va huquqni muhofaza qilish organlarida hamda mahalliy hokimliklar, oʻzini-oʻzi boshqarish organlarida jismoniy va yuridik shaxslar vakillarining qabuli tashkil etilishi ahvoli, kelib tushgan murojaatlarning oʻz vaqtida koʻrib chiqilishi muntazam ravishda oʻrganilib borilmoqda. Shuningdek, fuqarolarning konstitutsiyaviy huquq va erkinliklarini himoya qilish hamda qonun ustuvorligini taʼminlash choralari koʻrilib, bu borada amalga oshirilayotgan ishlar samaradorligini oshirish ishlari jadal surʼatlarda olib borilmoqda.
Xulosa oʻrnida aytish mumkinki, har doim jismoniy va yuridik shaxslarning murojaatlariga jiddiy eʼtibor berilib, qonuniy koʻrib chiqilsa, ularning murojaatlari qanoatlantirilsa, fuqarolarimizda davlat organlariga ishonch, jamiyatda yuz berayotgan oʻzgarishlar, joylarda amalga oshirilayotgan keng koʻlamli islohotlarga daxldorlik hissi yanada koʻchayadi.
N.OʻRINBAYeV, Qoraqalpogʻiston Respublikasi prokurorining katta yordamchisi.
(Foto - http://huquqburch.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
