“Amu yulduzlari” jamoasi gʻolib boʻldi

9-sonli Bolalar musiqa va sanʼat maktabida "Kamalak bilimdonlari” koʻrik-tanlovining shahar bosqichi oʻtkazildi.

Unda "Kamolot” yoshlar ijtimoiy harakati  homiyligidagi "Kamalak” bolalar tashkilotining 10 yoshdan 14 yoshgacha boʻlgan eng faol va bilimdon aʼzolari bellashdilar.

Bellashuvda ishtirokchilar tanishuv, sahna koʻrinishi, savol-javob, ijtimoiy loyiha shartlari boʻyicha bilimlarini namoyish etishdi.

Natijaga koʻra 36-sonli maktabning "Amu yulduzlari” jamoasi tanlov gʻolibi deb topildi. 16-sonli maktabning "Kamalak zukkolari” va 40-sonli maktabning "Kamalak bilimdonlari” jamoalari ikkinchi, 31-sonli maktabning "Amir Temur” jamoasi 3-oʻringa sazovor boʻldilar.

Sadoqat Nurimbetova, 36-sonli maktabning bolalar yetakchisi.