OGOHLIK VA XUShYoRLIKKA DAʼVAT
4-aprel kuni shu mavzuda tuman hokimligining majlislar xonasida yigʻilish oʻtkazildi. Tumanimiz yoshlarini yot gʻoyalardan asrash, diniy mutaassiblikning vayronkor mohiyatini tushuntirish, maʼnaviy qadriyatlarimizga tahdid tugʻdiruvchi zararli oqimlardan yoshlarni himoya qilish hamda ular ongida gʻoyaviy immunitetni mustahkamlash maqsadida oʻtkazilgan yigʻilishda tuman hokimligi masʼul xodimlari, jamoat tashkilotlari rahbarlari, jomeʼ masjidlar imomlari, ovul va mahalla fuqarolar yigʻinlari raislari, diniy maʼrifat va maʼnaviy axloqiy tarbiya masalalari boʻyicha maslahatchilari, tumandagi oʻrta maxsus, kasb-hunar taʼlimi, umumtaʼlim muassasalarining maʼnaviy-maʼrifiy ishlar boʻyicha direktor oʻrinbosarlari hamda faol oʻquvchi yoshlar qatnashdilar.
Yigʻilishda Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita mutaxassisi Jahongir Joʻrayev, ImomBuxoriy nomidagi Toshkent Islom instituti prorektori Jahongir Meliqoʻziyev, Qoraqalpogʻiston Respublikasi Vazirlar Kengashining Din ishlari boʻyicha referenti Nurulla Jamalovlar ishtirok etdilar va "Diniy mutaassiblik, ekstremizm va terrorizmning gʻoyaviy ildizlari hamda zamonaviy koʻrinishlari”, "Din niqobidagi mafkuraviy tahdidlardan yoshlarni asrashning maʼnaviy-maʼrifiy vositalari” hamda "Missionerlik va prozelitizm: tarix va bugungi kun: Uning natijasida yuzaga kelayotgan muammolar” mavzularida maʼruzalar qildilar. Tahdidi kuchayib borayotgan bu zararli oqimlar taʼsiridan saqlanish uchun har lahzada ogoh va hushyor boʻlib yashash, har bir oilada ota-ona farzandlaritarbiyasiga chuqur masʼuliyat bilan yondoshmogʻi zarurligi haqida gapirdilar.
Maʼruzalar yuzasidan "Yusuf eshon bobo” jomeʼ masjidi imom xatibi Abdurahmon Matsafoyev, "Nuroniy” jamgʻarmasi tuman boʻlimi raisi Bekmon Allambergenov, "Noʻgʻay eshon bobo” masjidi mutavallisi Ahmad Madrahimovlar oʻz fikr mulohazalarini bildirdilar.
Ishtirokchilar mavzuga oid oʻzlarini qiziqtirgan savollarni berib, batafsil javob oldilar. Yigʻilish soʻngida ogohlik va xushyorlikka daʼvat qiluvchi, har xil buzgʻunchi gʻoyalarning kirdikorlarini fosh qiluvchi "Ostona” nomli hujjatli film namoyish etildi. Ishtirokchilar yigʻilish kun tartibidagi mavzular yuzasidan koʻp maʼlumotlarga ega boʻldilar.
Tuman hokimligining axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
