QUTLUGʻ KUNDA EZGU NIYaTLAR BILAN
Yurtimizda Navroʻzi olam keng nishonlanayotgan shu kunlarda tumanimiz dehqonlari yaxshi niyatlar bilan, moʻl hosil umidida tuproqqa urugʻ qadashdi. Shu munosabat bilan tumanning "Xolimbeg” ovulidagi "Gʻofur traktorchi” fermer xoʻjaligi dalasida koʻrgazmali seminar boʻlib oʻtdi.
Seminarda Qoraqalpogʻiston Respublikasi Joʻqorgʻi Kengesi Raisi Musa Yerniyazov, Respublika qishloq va suv xoʻjaligi vazirligi vakillari, tumanimiz hokimi, tumanda faoliyat yuritayotgan fermer xoʻjaliklari rahbarlari, qishloq xoʻjaligiga xizmat koʻrsatuvchi muassasa, korxona va tashkilotlar rahbarlari ishtirok etdilar.
Seminarda ekish mavsumini toʻgʻri tashkil etish, texnikadan unumli foydalanish, mavsumni tez va sifatli yakunlash borasida fikr almashildi. Bu yil tumandagi 507 fermer xoʻjaligining 15 ming 850 gektar maydoniga chigit ekish rejalashtirilgan.
Ekish mavsumiga puxta hozirlik koʻrildi. Mavjud texnikalar 60 otryadga biriktirilib, ularni unumli ishlatish uchun barcha sharoit yaratildi, texnikalarga xizmat koʻrsatish uchun koʻchma ustaxonalar dala boshiga chiqarildi.
Chigit ekish mavsumining boshlanishiga bagʻishlangan koʻrgazmali seminarda fermerlar dala atrofiga poliz ekinlarini ekish, parranda, baliq va quyon parvarishlash boʻyicha ham tajriba almashdi. Seminarda Qoraqalpogʻiston Respublikasi Joʻqorgʻi Kengesi raisi Musa Yerniyazov soʻzga chiqdi.
Tuman hokimligining axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
