BAXT-IQBOLIMIZ KAFOLATI

Hayotimizda Konstitutsiyaning tutgan oʻrni beqiyos. Chunki har bir inson avvalo tinch  yashasam, hech qanday hadiklarsiz oilam davrasida erkin nafas olsam, bilim olib, oʻzim orzu qilgan kasbning yetuk mutaxassisi boʻlib yetishsam, ishlab, umrimning oxirigacha rohat-farogʻatda yashasam, deydi. Shu kabi orzu-havaslar zamirida yurtimizda inson huquq va erkinliklari kafolatlanganligi asos boʻlayotir desak, mubolagʻa boʻlmaydi. Bir soʻz bilan aytganda fuqarolarning huquq va erkinliklari, ijtimoiy-iqtisodiy va siyosiy huquqlari va shu bilan birga biz amal qilishimiz lozim boʻlgan qonun-qoidalar koʻrsatilgan bosh qomusimiz boʻlgan Konstitutsiyamiz bizga har jabhada, har sohada koʻmakchidir. Bu oʻrinda Oʻzbekiston Respublikasining Birinchi Prezidenti I.Karimovning quyidagi fikrlarini esga olish joizdir: "Tabiiyki har qanday davlatning yuzi, obroʻ-eʼtibori uning Konstitutsiyasi hisoblanadi”.

Konstitutsiya – yoʻlimizni yoritib turuvchi shamchiroqdir. U bilan insonlar oʻz qadr-qimmatini anglaydi. Bosh qomusimiz – Konstitutsiyada belgilangan qonunlarni yaxshi biladigan va albatta hayoti davomida ularga amal qilib, ularni qadrlab yashaydigan insonlar qancha koʻp boʻlsa, xalqimiz orzu qilgan kuchli demokratik davlat va fuqarolik jamiyatni qurish shuncha osonlashadi. Inson oʻz haq-huquqlarini bilishi, ulardan toʻgʻri foydalana olishi – huquqiy madaniyatini ham oshiradi. Huquqiy madaniyatli insongina erkin fikrlay oladi, har qanday vaziyatda ham oʻzini boshqarishga qodir boʻladi va oʻzligini anglaydi.

Barchinoy QURBONBOYeVA.

(Foto - http://uza.uz)