Nogironlar huquqlari davlat himoyasida
Yurtimizda izchillik bilan amalga oshirilayotgan islohotlar inson huquq va manfaatlarini taʼminlash va himoyalashga qaratilgan. Bu jarayonda aholining zaif, ijtimoiy himoyaga muhtoj qatlamlariga aniq va manzilli koʻmak berish, mehr-muruvvat koʻrsatish davlatimizning doimiy eʼtiborida.
Bugungi kunda tumanimizda 4000 nafardan ortiq jismoniy imkoniyati cheklangan kishilar mavjud. Ulardan 240 nafardan ortigʻi tuman nogironlar jamiyatining aʼzolaridir. Ular davlat tomonidan beriladigan nafaqa va imtiyozlar bilan birga homiylar yordamidan ham bahramand boʻlishmoqda. Hayotda oʻz oʻrinlarini topishlari, jamiyatning faol aʼzolari qatorida mehnat faoliyati yuritishlari uchun zarur shart-sharoit va imkoniyatlar yaratilmoqda.
Sana munosabati bilan Mangʻit shahridagi "Orzu” toʻyxonasida oʻtkazilgan tadbir ham jismoniy imkoniyati cheklangan yurtdoshlarimiz qalbida katta taassurot qoldirdi. Xomiylar ishtirokida tashkil qilingan tadbirda nogironlarga maxsus sovgʻalar topshirildi. Sanʼat ustalari va ijrochi yoshlar ishtirokida kontsert dasturi namoyish etildi.
Bunday tadbirlar jamoatchilikning nogironlik muammosidan xabardorligi darajasini oshirish, jismoniy imkoniyati cheklangan kishilarni qoʻllab-quvvatlash kabi ezgu maqsadlarga xizmat qiladi.
Nogironlarni ish bilan taʼminlash, ularning tadbirkorlik faoliyatini yoʻlga qoʻyishlariga ham alohida eʼtibor qaratilmoqda. Aytish kerakki, Nogironlar jamiyatining tuman boʻlinmasi joriy yilning aprel oyida Oʻzbekiston Respublikasi Oliy Majlisi huzuridagi nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi tomonidan eʼlon qilingan tanlovda qatnashib, davlat granti sohibi boʻlgan edi. Ayni kunlarda "Nogiron ayol-qizlarni ijtimoiy faolligini oshirish maqsadida kasbga tayyorlash uchun tikish – bichishga, toʻquvchilikka oʻrgatish va ularning imkoniyatini roʻyobga chiqarish” loyihasi muvaffaqiyatli amalga oshirilmoqda.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
