Baxt saroyingizni qurişda asqotadi
"Aziz kelinçak!
Siz kiçkina qizaloq ekanligingizdayoq kelin bölişni orzu qilgansiz. Dugonalaringiz bilan "kelin-kelin” öyinlaringiz bölardi. Dastlabki "kelin salom”ingizni eslay ham olmaysiz. Ehtimol, ikki yoşingizda onangizning harir römolini olib "kelin salom” qilib, kattalarning olqişini eşitgansiz, bundan quvonib, qayta-qayta salom qilavergansiz. Öşanda "Baxtli kelin bölgin”, deb duo qilişgan...”
Özbekiston xalq yozuvçisi Tohir Malikning "Kelinlar daftariga” deb nomlangan risolasi bolalikning beğubor xotiralarini yodga soluvçi mana şu jumlalar bilan boşlanadi. Darhaqiqat, qiz bola borki, kelin bölişni ne-ne orzu havaslar ila, suyukli qaynonasiga kelin emas, balki qizlarça yaqin bölişni, saodatli "Baxt saroyi”ni qurişni orzu qiladi. Ammo mana şu saroyni quriş, töğriroği, baxtli va mustahkam oilani barpo etiş uçun bu kabi şirin orzularning özi kamlik qilmasmikin?
Oila qurayotgan yoş kelin-kuyovlar qanday fazilatlarni özlarida mujassamlaştirişi keragu, qanday illatlardan voz keçişi kerak? Taniqli yozuvçimizning mana şunday tarbiyaviy ahamiyatga ega bölgan "Kelinlar daftariga” deb nomlangan kitobi aynan mana şu savollarga javob bera oladi.
Maʼnaviy-maʼrifiy, axloqiy mavzudagi bu risola qirqta suhbatdan iborat. Unda hayot tajribasi yöq kelin va kuyov baxt saroyini qurişda nimalarga ahamiyat berişi zarurligi haqida batafsil söz yuritilgan.
Bu risolada "Oila halovati – jamiyat halovati”, "Nikoh”, "Iffat va hayo”, "Vaqt qadri” kabi bir qança dolzarb mavzularda söz boradi. Uşbu risolani öqib turib men ham oila va mustaqil hayot haqidagi tasavvurlarimni boyitdim. Hamda bundagi purmaʼno fikrlar, nafaqat kelinlar uçun, balki qizlar uçun ham öta muhim ekanligini angladim.
Dono xalqimizda: "Qiz bola beşikka tuşdi, sepi sandiqqa” degan maqol bor.
Ha, qiz bola tuğilibdiki, onasi unga atab turli xil sep-u sarpolar yiğişni boşlaydi. To, qiz bola voyaga yetgunça bu sandiqni yaxşi niyatlar ila boyitib boradi.
Onajonlarimiz, buvijonlarimiz şuning barobarida biz qizlarning dil sandiğimizni ham boyitib, oilaning naqadar muqaddas ekanligini ongimizga singdirib boradilar. Biz esa bu ögitlarga quloq tutgan holda mustaqil hayotga qadam qöyamiz.
"Heç kim öz-özidan "yomon kelin” yoki "yomon qaynona” bölib qolmaydi, bu borada ularning uquvsizligi, hayot tajribalarining yetişmasligi sabab bölişi mumkin”, deydi yozuvçimiz.
Aziz kelinçak! Aziz dugonalar!
Men sizlarga mana şu "Kelinlar daftariga” deb nomlangan risolani öqib çiqişingizni tavsiya qilaman. Sababi bu kitob peşonamizga surib öqişga arziydi.
Ajab emas, bu kitob öşa baxt saroyini qurişimizga sabab bölsa.
Aziza MADRAHIMOVA.
(Foto - http://glotr.uz)

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶