QULAYLIKDAN FOYDALANISh QOIDALARI BOR
Uy-roʻzgʻorimizda ishlatiladigan maishiy gaz ballonlari oʻtin-koʻmirga nisbatan ham arzonligi, ham qulayligi bilan uy bekalariga manzurdir.
Hozirgi kunda tabiiy gaz bosimi past boʻlgan hududlarda siqilgan gaz ballonlaridan foydalanilmoqda.
Uy-roʻzgʻor ishlarida foydalanilayotgan har bir buyum, ayniqsa, gaz ballonlarni ishlatishda oʻziga xos qoʻllanilishi lozim boʻlgan talablar, qoidalar borligini, agar ana shu talab hamda qoidalardan chetga chiqilsa yoki amal qilinmasa, biz tilga olgan oʻsha qulaylikning nihoyatda qimmatga tushishi hech gap emas.
Eng avvalo, maishiy gaz ballonidan foydalanayotgan fuqaro bu qoidani biladimi? Agar bilsa, unga amal qilayaptimi? Bu savolga javob topish maqsadida tuman IIB YoXB va Surgil gaz koni 11-harbiylashtirilgan yongʻin xavfsizligi qismi xodimlari tuman gaz taʼminoti korxonasi xodimlari bilan birga bir qator tekshirishlar va tushuntirish ishlarini olib borishmoqda. Avvalo shuni aytish lozimki, fuqarolar xonadonlarida uy-roʻzgʻor ishlarida foydalanish uchun berilgan maishiy gaz ballonlari texnik koʻrikdan oʻtkazilib, sozlangan va foydalanish ruxsatnomasiga ega boʻlishi, foydalanish, muddati tugagach, gaz taʼminoti korxonasiga qaytarilishi, qolaversa, gaz balloni saqlanadigan joy yongʻin texnik talablariga javob berishi kerak. Olovli ishlar olib borilayotgan joylarda yoki quyosh nuri muttasil tushib, qizib turadigan joyda maishiy gaz ballonini saqlash mumkin emasligini har bir foydalanuvchi fuqaro yaxshi bilishi lozim. Garchand, bular oddiy talablar boʻlsa-da, ularga amal qilinmasligi ogʻir oqibatlarga olib keladi. Inson hayotigagina emas, atrof-muhitga ham salbiy taʼsir etishi mumkin.
B.YOʻLDOShEV,
Surgil gaz konini yongʻindan muhofaza qiluvchi
11-HYoXQ smena boshligʻi, kapitan.
(Foto - http://zarnews.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
