HAMIŞA NAVQIRON BAYRAM
Kelib çiqişi şarq xalqlarining olis ötmişiga borib taqaluvçi, qariyb tört ming yildan ortiq vaqtdan beri zamonlar silsilasidan omon ötib, haqiqiy milliy bayramimizga aylangan Navrözi olam ayyomining qadr-qimmati istiqlol yillarida ayniqsa yuksaldi. Özligimizga, öz yurtimizga özimiz egalik qiliş imkonini bergan mustaqillik tufayli ajdodlarimiz aql-u zakosi ila yaratilgan jamiki maʼnaviy boyliklar, urf-odatlar, anʼanalar, qadriyatlar hayotimizga yana qaytdi, yil sayin yangi-yangi maʼno, mazmun bilan boyimoqda, turmuşimizdan tobora teran joy olmoqda.
Muhtaram Yurtboşimizning Farmoniga binoan umumxalq bayrami – dam oliş kuni, deya eʼlon qilingan 21-mart – Navröz bayrami ölmas qadriyatlarimizni, urf-odatlarimizni özida mujassam etgani bilan ham könglimizga yaqin va qadrlidir.
Ha, bayram kunlarida xalqimizning haqiqiy özbekona bağrikenglik, saxiylik, hamjihatlik kabi ezgu fazilatlari yanada yorqinroq namoyon böladi, köngillar köngillarga payvand böladi.
Butun mamlakatimizda bölgani kabi Navröz bayrami tantanalari neça kundirki tumanimizning ovul, mahallalarida, mehnat jamoalarida, öquv muassasalarida öziga xos tarzda şod-u xurramlikda nişonlanmoqda. Elimiz intiq kutgan bahorini, Navrözini ezgu niyatlar bilan qarşilab, tantana qilmoqda.

19-mart kuni Manğit şahridagi Markaziy öyingohda nişonlangan "Assalom, Navröz!” deya nomlangan teatrlaştirilgan bayram tomoşasiga taşrif buyurgan yurtdoşlarimiz könglidagi yuksak kötarinki kayfiyat hatto beqaror, özgaruvçan bahor havosiga ham öz taʼsirini ötkazganday, quyoş saxiylik bilan nur soçdi. Navröz bayramiga xos qulf urib oçilgan gullar, novdalar, yaşillik, bahoriy bezaklar bilan oro berilgan öyingoh taşqarisida tumanimizdagi ovul, mahallalarda faoliyat yuritayotgan fermer xöjaliklarida ötgan yilda yetiştirilgan meva, poliz mahsulotlari, sabzavotlarning, şuningdek pazanda ayollar tayyorlagan bahoriy taomlar, pişiriqlar körgazmalari namoyiş etildi. Tumanimiz rahbariyati va tantanaga taşrif buyurgan aziz mehmonlar körgazmalarni, usta hunarmandlarimiz mehnati mahsuli namoyişini zavq bilan tomoşa qilib, yuqori baho berdilar.

Tantana boşlanişiga bağişlangan jöşqin musiqani barça olqişlar bilan qarşi oldi.
Tantana tuman hokimining birinçi örinbosari B.Ernazarovning tuman hokimi, Qoraqalpoğiston Respublikasi Jöqorği Kengesi deputati Rajabboy Yöldoşevning tumanimiz xalqiga yöllagan bayram tabrigini öqib eşittirişi bilan boşlandi. Yiğilganlar tabrikni köngillarida ulkan hayajon va quvonç bilan tingladilar, tumanimiz rahbariga mustahkam soğlik, tolmas kuç-quvvat tiladilar.

Navröz
bayramiga bağişlab tuman Madaniyat va sport işlari bölimi tomonidan tayyorlangan
"Assalom, Navröz!”, deb nomlangan ulkan teatrlaştirilgan tomoşa boşlandi.

Soğ-omonlikda, tinçlik-xotirjamlikda, qömsab, soğinib yetganimiz – köklamni, qadimiy va hamişa navqiron milliy Navröz ayyomini, ona Vatanni, tinçlik, osoyiştalikni tarannum etgan kuy, qöşiq, aytişuvlar, raqslar, ramziy Bahoroyning, Dehqonboboning taşrifi barçaga zavq bağişladi, köngillarda mehr-oqibat, döstlik, birodarlik bilan umrguzaronlik qilayotganimiz – şu muqaddas zaminimizga, yurtimizga mehr-muhabbat kabi eng ezgu tuyğular jöş urdi.

Tantana sport musobaqalari, kuraş, qöçqor uriştiriş kabi milliy köngiloçar öyinlar bilan uzoq davom etdi.

Navröz bayramiga bağişlangan tantanada Qoraqalpoğiston Respublikasi Vazirlar Kengaşi raisi B.Yangiboyev iştirok etdi.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶