ZULFIYaNING RUSIYZABON IZDOShLARI

Jivim dojdyom omiv mindal,

V rassvetniy chas prishla vesna.

Poletom ptits napolniv dal,

Trevoja nas, prishla vesna.

O, kak lyubil ti chas nochnoy,

Kogda gotov zatsvest uryuk,

I aromat zemli siroy,

I pochek xlopatayushiy zvuk!

Naqadar goʻzal satrlar. Ajabo, Zulfiya rus tilida ham juda biyron sheʼrlar bitgan ekan, degan hayolga berilamiz, nogahon. Xayollarimiz oʻz nuqtasiga etib-etmay, oʻrnini undanda taʼsirli va jonli satrlar egallaydi shuurimizni. Undan keyin yana boshqasi. Shu zaylda kuzatib oʻtirib, lablari pichir-pichir qilib, sheʼr oʻqishayotgan qizaloqlar xayollarimizni boʻldi. Ular maktabimizda oʻtkazilayotgan tadbirda oʻzlariga berilgan vaqt ichida Zulfiyaxonim sheʼrlaridan namunalar keltirishib, oʻz chiqishlarini yakunlayotgan rusiyzabon oʻquvchi-qizlar edilar. Mana shu namunalarnigina oʻqib, biz xayol olamiga gʻarq boʻlib oʻtiribmiz, qaranga. Agar shoiraning butun ijodi bilan hamnafas boʻlsak, uning sheʼrlarini oʻqib tugatguncha koʻngillarimiz osmon qadar yuksalsa kerak...

Sahnada saf tortib turgan qizlar orasida "assaloʻm-assaloʻm” deya oʻzbekcha soʻzlarni arang talaffuz qilayotgan qiz shoiraning mashhur sheʼrlaridan birini oʻz ona tilida juda taʼsirli oʻqib berdi. Maktabimizda taʼlim rus tilida ham olib borilganligi uchun koʻpchilik oʻquvchilarimiz boshqa millat vakil va vakilalaridir. Tadbir davomida ularning oʻzbek va rus tillaridagi Zulfiyaxonim sheʼrlarini taʼsirli va jonli qilib yod aytishlari barchani birday quvontirdi.

Maktabimizda Oʻzbekiston xalq shoirasi Zuliyaxonim tavallud topgan kun - 1-mart huddi "Navroʻz” bayrami kabi keng nishonlandi. Shu kunning oʻzida bir necha adabiy kechalar va bellashuvlar navbatma-navbat oʻtkazildi. Oʻquvchilar yuragidagi quvonchga yoʻgʻrilgan bahoriy kayfiyat, oʻqituvchilarga, butun maktab ahli qalbiga singib ketdi. Tadbir davomida faol qatnashgan sinflarning oʻquvchilariga maktab maʼmuriyati tomonidan diplom va faxriy yorliqlar topshirildi.

Marhabo YOʻLDOShEVA,

30-sonli maktab oʻqituvchisi.