Ulugʻlarga ehtirom

Barhayot Navoiy

19-sonli umumtaʼlim maktabida "Barhayot Navoiy” nomli tadbir oʻtkazildi.  Tadbirda Navoiyga atab oʻqilgan sheʼrlarni bircha maroq bilan tinglashdi.

Sahnada Navoiy va Guli siymolari paydo boʻlganida ularni barcha gulduros qarsaklar bilan olqishladi. Shundan soʻng "Xamsa” dostonidan parchalar oʻqildi va sahna koʻrinishlari orqali Navoiyning  maʼrifatparvarligi, doʻstlariga boʻlgan hurmati yoritib berildi. Tomoshabinlarda Navoiy hayoti va ijodiga boʻlgan qiziqish yanada ortdi. Tadbir soʻngida Navoiyning "Kelmadi” radifli gʻazalining kuyiga raqsga tushgan oʻquvchilar hammaga koʻtarinki kayfiyat bagʻishladi.

Roza Ramatova,

19-maktab oʻquvchisi.

* * *

NAVOIYXONLIK KEChASI

8-fevral kuni Amudaryo qishloq xoʻjalik kasb-hunar kollejining axborot resurs markazida buyuk shoir Alisher Navoiy tavalludining 575-yilligiga bagʻishlangan navoiyxonlik kechasi oʻtkazildi.

"Milliy tiklanish” demokratik partiyasi tuman Kengashi, "Jayxun ilhomlari” NNT tomonidan tashkil qilingan tadbirda soʻz olgan bir guruh ijodkorlar A.Navoiy hayoti va ijodi, shoirning "Xamsa” dostoni haqida gapirdilar.

Dilfuza BOYJONOVA.

* * *

ShOH VA ShOIRGA AVLODLAR EHTIROMI

14-fevral kuni "Choykoʻl” madaniyat va aholi dam olish maskanida Zahiriddin Muhammad Bobur tavalludining 533-yilligiga bagʻishlangan "Shoh va shoir” deb nomlangan adabiy-badiiy musiqiy kecha boʻlib oʻtdi.

Madaniyat va aholi dam olish maskani xodimlari tomonidan tashkillashtirilgan adabiy-musiqiy tadbirda ovuldagi 42- va 22-sonli maktablar hamda 9-sonli bolalar musiqa va sanʼat maktabi filiali oʻquvchilari tomonidan sahna koʻrinishlari, Bobur gʻazallari asosidagi koʻshiqlar, rubob, dutor va raqs toʻgaraklari aʼzolari tomonidan dilrabo kuylar ijro etildi.

Xushovoz xonandalar ijrosida Bobur gʻazallari bilan kuylangan "Safti kalom”, "Guljamoling”, "Boshda havodir”, "Lola” kabi ashulalar hamda 9-sonli bolalar musiqa va sanʼat maktabi oʻquvchilari ijrosidagi oʻzbek, qoraqalpoq xalq kuylari tomoshabinlar olqishiga sazovor boʻldi.

Oʻz muxbirimizdan.

(Foto - http://turkistonpress.uz)