“ASKAR ONASI BÖLIŞ – BAXT”, – deydi tölqinlik Bibisora Qöçqorova
Farzandlarining odobli, mehrli, yurt koriga kamarbasta bölib ulğayişini istamaydigan ota-ona bormi? Ularning yaratgandan söraydigan eng oliy tilagi ham farzandlariga uzoq umr, baxt-iqboldir. Farzand kamoli, baxti, ota-onaning eng uluğ martabasi-saodatidir.
"Tölqin” ovulida istiqomat qiluvçi Bibisora opa Qöçqorova ana şunday qutluğ kunlarga yetişgan tabarruk onaxonlarning biri.
U 1950-yilda şu ovulda tuğildi. Örta maktabni tugatib, Toşkentdagi qişloq xöjaligi institutini pillaçilik agronomi mutaxassisligi böyiça tugatdi va 45-yildan beri şu sohada samarali mehnat qilib kelmoqda.
Bibisora opa ovuldoşi Bozorboy Erdoşev bilan turmuş qurib, bir qiz, beş öğilni munosib farzandlar qilib voyaga yetkazişdi. Qizi Manzura onasi izdoşi, Ilhom Erdoşev maktabni tugatib, Samarqanddagi oliy harbiy avtomobil qömondonlik-muhandislik bilim yurtini tugatib, dastlab şu yerda işlab qoldi, keyinçalik Nukusda faoliyatini davom ettirdi. Hozirgi kunda Jizzaxda, podpolkovnik darajasiga yetdi. Keyingi öğil ham muddatli harbiy xizmatini ötaganidan söng, şartnoma asosida şu sohada işlab qoldi, serjant. Ötgan yili harbiy xizmat vazifasini ado etişdagi fidoyiligi, matonati uçun "Sodiq xizmatlari uçun” medali bilan taqdirlandi. Ikromjon fermer xöjaligi işçisi, Qurbonboy ham Ilhom akasi öqigan oliy harbiy bilim yurtini muvaffaqiyatli tugatib, şu sohada xizmat qilayapti, podpolkovnik. Kenjatoy öğil Bahodir ona kasbini tanladi, pillaçilik agronomi.
Afsuski bunday kunlarni köriş oila sardori Bozorboy akaga nasib etmadi. Otasi vafot etganida Ilhom oliy harbiy bilim yurtini tugatib, öz sevgan sohasida endigina xizmatini boşlagan kunlar edi.
Ilhom xizmat vazifasini aʼlo darajada ötaş bilan bir qatorda onasiga suyançiq böldi, ukalarining ham hayotda öz örinlarini topişiga yöl-yöriq körsatdi.
Bibisora Qöçqorova hozir beş kelinning qaynonasi. Halol va fidoyi mehnatlari evaziga 1999-yilda "Şuhrat” medali bilan taqdirlandi.
- Otasi bilan farzandlarimizning yurtimizga halol va sodiq xizmat qilib, bugungiday kunlarga yetişişini orzu qilganmiz. Xudoga şukr, niyatlarimiz uşaldi, farzandlarimning kamolidan kuç-quvvat olib, 66 yoşimda hamon men ham safdaman, öz sohamda işlayapman, - deydi Bibisora opa şukronalik bilan.
– Askar onasi, bir-yöla uç askarning onasi böliş – ulkan baxt. Bu baxtni u har bir soniyada – osuda otgan tonglarda, yurtimizning betaşviş, emin-erkin kunlarida his qilib yaşaydi. Farzandlarining onam, deb evrilib turişlari, ardoqlaşlari, el-yurtimizning uç askarlar onasi, deya şaraflaşlaridan kuç-quvvat oladi.
Onaxon erişgan bu martaba har bir inson havas qilgulik.
Yurtimizda 14-yanvar – Vatan himoyaçilari kuni keng nişonlanayotgan uşbu farahli kunda Bibisora opani bayram bilan qizğin qutlab, doimo soğ-salomat böling, deymiz.
Oygul RAJABOVA.
Suratda: Bibisora Qöçqorova.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶