MEHNAT FIDOYILARI RAGʻBATLANTIRILDI
Yangi yil bayrami arafasida tuman hokimligida 2015-yilda tumanda davlatga paxta topshirish shartnomaviy rejasi muvaffaqiyatli ado etilishi munosabati bilan bir guruh mehnat ilgʻorlari va fidoyilarini ragʻbatlantirish marosimi oʻtkazildi.
Tuman hokimining birinchi oʻrinbosari B.Ernazarov tantanali marosimni kirish nutqi soʻzlab ochar ekan, u muhtaram Prezidentimiz va hukumatimiz tomonidan qishloq xoʻjaligi sohasida yangi tizim joriy qilinishi, paxta yetishtirishni yanada takomillashtirish borasida olib borilayotgan keng koʻlamli islohotlar, jumladan qishloq xoʻjaligida fermerlik harakatining yangi bosqichga koʻtarilayotganligi, maxsus dasturlar asosida yerlarning meliorativ holati yaxshilanganligi, selektsioner olimlarimiz tomonidan ertapishar va serhosil gʻoʻza navlarining yaratilayotganligi paxtadan moʻl hosil olishga zamin yaratayotgani, shular natijasida tumanimiz paxtakorlari Oʻzbekiston Respublikasida birinchi boʻlib shartnomaviy rejalarini qisqa vaqt ichida muvaffaqiyatli bajargani va 2015-yilda paxtachilikdan olingan daromadning 38 mlrd. soʻmdan oshib ketganligini faxr bilan tilga oldi.
Shundan soʻng mehnat ilgʻorlariga Qoraqalpogʻiston Respublikasi Joʻqorgʻi Kengesi va Vazirlar Kengashi, tuman hokimligi hamda homiylar tomonidan tayyorlangan qimmatbaho sovgʻalar topshirildi.
MMTPlar boʻyicha birinchi oʻrinni olgan Qipchoq MMTP raisi J.Jumaboyevga "Lifan” rusumli mototsikl, Qilichboy MMTP rahbari O.Qurboniyozovga "Lifan” UF50QT – 2 A rusumli mototsikl va "Toshyop” MMTP raisi J.Asqarovga kompyuter jamlanmasi topshirildi.
Shundan keyin 3 nafar ilgʻor fermer xoʻjaliklari rahbarlariga, paxta terish mavsumida aholi oʻrtasida targʻibot va tashviqot ishlarini yaxshi olib borgan va aholini paxta yigʻim-terimiga jalb qilishda fidoyilik koʻrsatgan sakkiz nafar fuqarolar yigʻinlari raislariga, fermer xoʻjaliklariga birkitilgan uch nafar otryad boshliqlariga, paxta yigʻim-terimi mavsumida faol harakat qilgan uch nafar "mingboshi”larga, uch nafar korxona-tashkilot rahbarlariga, uch nafar oʻrta maxsus, kasb-hunar taʼlimi muassasalari rahbarlariga, uch nafar eng koʻp paxta tergan korxona-tashkilot xodimlariga, uch nafar eng koʻp paxta tergan oʻrta maxsus, kasb-hunar taʼlimi muassasalari oʻquvchilariga qimmatbaho sovgʻalar topshirildi.
Shuningdek, tumanda paxta terimida faol ishtirok etgan Nukus davlat pedagogika institutining 21 nafar talabasiga toʻlov kontraktlari uchun 1 mln. soʻmdan pul oʻtkazib berilganligi maʼlum qilindi.
Mehnat fidoyilarini ragʻbatlantirish marosimida Qoraqalpogʻiston Respublikasi Vazirlar Kengashi raisi Bahodir Yangiboyev ishtirok etdi.
(Oʻz muxbirimizdan).
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
