MAKTABDA FUQARO MUHOFAZASI KUNI
Yaqinda 52-sonli maktabda tabiiy tusdagi favqulodda vaziyat, yaʼni, zilzila sodir boʻlgan paytda taʼlim muassasasi hududida mavjud boʻlgan odamlar, oʻquvchilar va oʻqituvchilarning favqulodda vaziyatda oʻzini tutishi, harakatlanishi, himoyalanish va atrofidagilarga koʻmaklashish, birinchi tibbiy yordam koʻrsatish, maktab binosi va sinfxonalaridan oʻquvchilarni xavfsiz joylarga olib oʻtish tartibini tushuntirish maqsadida "Fuqaro muhofazasi kuni” tadbiri boʻlib oʻtdi.
Oʻquv mashgʻulotida fuqaro muhofazasi boshligʻi vazifasini bajaruvchi maktab direktori, fuqaro muhofazasi boshligʻining evakuatsiya boʻyicha oʻrinbosari, favqulodda vaziyatda tuzilgan shtab boshligʻi qanday vazifalarni bajarishi kerakligi, shtab huzurida shakllantirilgan qutqaruv, oʻt oʻchirish, sanitariya, nazorat va jamoat tartibini saqlash kabi guruhlar qanday ishlarni bajarishi lozimligi amaliy mashgʻulotlarda koʻrsatildi.
"Diqqat, hammaga, zilzila!” signalidan keyin maktab binosi ichkarisidagi barcha oʻqituvchi va oʻquvchilar zudlik bilan belgilangan yoʻnalish boʻyicha intizomni saqlagan, vahimaga berilmagan holda saf boʻlib tashqariga chiqib, xavfsiz joy sanalgan maktab stadioniga sinfma-sinf boʻlib joylashishdi. Sinflarda dars berayotgan oʻqituvchilar sinfdan eng oxirida sinf jurnalini olgan holda chiqib, oʻquvchilarning belgilangan joyga talofatlarsiz yetib borishini taʼminladilar. Nazorat guruhi aʼzolari bino ichkarisida hech kimning qolib ketmasligini nazorat qilib turgan boʻlsalar, qutqaruv guruhi aʼzolari shartli ravishda qutqaruvga muhtoj fuqarolarni xavfli hududdan olib chiqdilar. Sanitarlar guruhi birinchi tibbiy yordamga muhtojlarga yordam berdi, jamoat tartibini saqlash guruhi aʼzolari esa vaziyatni moʻʼtadillashtirib turdi.
Oʻquv mashgʻuloti jarayonida oʻt oʻchirish guruhi aʼzolari ham hushyor holatda har qanday vaziyatga shay turdilar. Mashgʻulotda maktabning 5-9- sinflari oʻquvchilari va pedagoglar, ishchi xodimlar va maktab rahbariyati qatnashdi. Shu kuni maktabning geografiya fani oʻqituvchisi Oʻgʻiljon Matniyozova 5-sinf oʻquvchilariga "Yer poʻstining harakatlari” mavzusidagi ochiq dars oʻtdi.
Bunday oʻquv mashgʻulotlari nafaqat bolalarning, balki, kattalarning ham oʻz hayotlarini uyda, koʻchada, ishda, taʼlim muassasalarida vajamoat joylarida asrashiga oʻrgatib borish, favqulodda vaziyatlarda hayot va sogʻliq uchun zarur himoya koʻnikmalarini shakllantirishga yordam berishi bilan ahamiyatlidir.
Gulmirza BOBOJANOV, 52-sonli maktab direktorining maʼnaviyat va maʼrifat ishlari boʻyicha oʻrinbosari, xalq deputatlari tuman Kengashi deputati.
(Foto - http://www.redcrescent.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
