Jámiyet
👁 152
“Xalıqtı dizimge alıw haqqında”ǵı Ózbekstan Respublikasınıń Nızamın islep shıǵıwda dúnya tájiriybeleri úyrenildi
“Xalıqtı dizimge alıw haqqında”ǵı Ózbekstan Respublikasınıń Nızamın islep shıǵıwda Birlesken Milletler Shólkemi hám Yevropa statistikları konferentsiyasınıń xalıqtı dizimge alıwdı ótkeriw boyınsha tiykarǵı printsiplerı hám usınısların tiykar retinde paydalanıldı. Sonıń menen birge, Ǵárezsiz Mámleketler Doslıq awqamı, Aziya hám Yevropa mámleketleri, atap aytqanda, Rossiya Federatsiyası, Belarus, Ukraina, Azerbaydjan, Qazaqstan, Tadjikistan, Kirgizstan, Qubla Koreya, İndiya, Ullı Britaniya, Frantsiya, Germaniya, AQSh, Kanada hám basqa mámleketlerdiń bul tarawdaǵı tájiriybeleri úyrenilinip, nızam joybarın islep shıǵıwda paydalanıldı.
Nızam bes bap hám otız bir statyadan ibarat bolıp, onda nızamnıń maqseti, tiykarǵı túsinikler, xalıqtı dizimge alıwdıń wazıypaları hám printsipleri kórsetip berilgen. Tiykarǵı printsiplerden biri retinde udayı tákirarlanatuǵınlıq printsipi, yaǵnıy xalıqtı dizimge alıw on jılda keminde bir ret ótkeriliwi hám de xalıqtı dizimge alıwdı ótkeriw tuwrısındaǵı qarar Ózbekstan Respublikası Prezidenti tárepinen qabıl yetiliwi belgilep qoyılǵan. Xalıqtı dizimge alıw protsessinde shaxsqa tiyisli maǵlıwmatlar Ministrler Kabineti tárepinen tastıyıqlanatuǵın dizimge alıw betleri tiykarında hár bir respondent ushın jeke tártipte toltırıladı. Yaǵnıy dizimge alıwshı shaxslar tárepinen úyme-úy júrip, hár bir respondent ushın bólek toldırıladı.
Hamza Haytimbetov
Ámiwdárya rayonı Statistika bólimi baslıǵı
▶
