Jınayatshılıqtıń hám huqıqbuzarlıqtıń aldın alıwǵa baǵıshlanǵan ushırasıw bolıp ótti

Ózbekstan Respublikası Prezidenti Shavkat Mirziyoyevtiń basshılıǵında ótken jılı 30-iyun kúni ádil sudlawdı támiyinlew hám korruptsiyaǵa qarsı gúresiw baǵdarındaǵı wazıypalardı dodalawǵa baǵıshlanǵan videoselektor májilisinde Qaraqalpaqstan Respublikasın korruptsiyadan jıraq aymaqqa aylandırıw, jınayatlardı jılawlaw, jınayashılıq profilaktikasın bunnan bılay da jedellestiriw boyınsha anıq wazıypalar belgilep berilgen yedi.

Usı wazıypalardı ámelge asırıw maqsetinde Ózbekstan Respublikası Oliy Majlisi Senatınıń Baslıǵı hám Qaraqalpaqstan Respublikası Joqarǵı Keńesiniń Baslıǵı  tárepinen ótken jıldıń 12-noyabr kúni «Jol kartası» tastıyıqlandı.

«Jol kartası»nıń 11- hám 24-bántleriniń orınlanıwın támiyinlew, «Huqıqbuzarlıqlar profilaktikası kúni»nde xalıqtı sergeklikke shaqırıw, puqaralar arasında  jınayatshılıqtıń hám huqıqbuzarlıqtıń aldın alıwǵa baǵıshlanǵan ushırasıw bolıp ótti.
Onda Nókis rayonlararalıq hákimshilik sudınıń sudyası Q.Qıpshakbayev bul baǵdarda ámelge asırılıp atırǵan jumıslar, bunda puqaralar jıyınları baslıqları menen aymaq belsendileriniń, profilaktika inspektorlarınıń wazıypalarına toqtap ótti. Jınayatshılıq hám huqıqbuzarlıqqa qarsı birgelikte jumıs alıp barıw boyınsha wazıypalar belgilendi.

Usı mazmundaǵı ushırasıw Ámiwdarya rayonındaǵı "Boz suv", "Durmon"  "Qaraman", "Qilichboy", "Qipchoq", "Twlqin", "Xolimbeg", "Oq oltin", hám «Buz yop» awıl  puqaralar jıyınlarında da bolıp ótti.