Jańalanǵan Konstitutsiyada insan huqıqları

Ɵzbekstan búgin ɵziniń rawajlanıwınıń jańa basqıshına qádem qoymaqta.

Puqaralardıń yeń áhmiyetli arzıw-úmitleri hám maqsetleri tiykarǵı nızam Konstitutsiyada tolıq ɵz sáwlesin tabadı.

Ózbekstan Respublikasında Ózbekstan Respublikası Konstitutsiyası hám nızamlarınıń ústinligi sózsiz tán alınadı.

Ózbekstan Respublikasınıń Konstitutsiyası mámlekettiń pútkil aymaǵında joqarı yuridikalıq kúshke iye, tuwrıdan-tuwrı ámel yetedi hám birden-bir huqıqıy túp tiykarın quraydı.

Konstitutsiyanıń 30-statyasında, hesh kim rásmiy járiyalanbaǵan nızam tiykarında húkim yetiliwi, jazaǵa tartılıwı, mal-múlkinen yamasa basqa bir huqıqınan ayırılıwı múmkin yemes, hesh kim bir jınayat ushın qayta húkim yetiliwi múmkin yemes, dep belgilengen.

Jańalanǵan Konstitutsiyanıń 31-statyasında bolsa, hár bir insan jeke ómiriniń qol-qatılmaslıǵı, jeke hám shańaraqlıq sırǵa iye bolıw, óziniń ar-namısı hám qádir-qımbatın qorǵaw huqıqına iye.

Hár kim xat jazısıwları, telefon arqalı hám basqa sóylesiwleri, pochta, elektron hám basqa xabarları sır saqlanıwı huqıqına iye. Usı huqıqtıń shekleniwine tek ǵana nızamǵa muwapıq hám sudtıń sheshimine tiykar jol qoyıladı.

Hár kim óziniń shaxsına baylanıslı maǵlıwmatlardı qorǵaw huqıqına, sonday-aq nadurıs maǵlıwmatlardıń dúzetiliwin, ózi haqqında nızamǵa qayshı jol menen toplanǵan yamasa huqıqıy tiykarlarǵa iye bolmaǵan maǵlıwmatlardıń joq yetiliwin talap yetiw huqıqına iye.

Hár kim turaq jayǵa bolǵan qol-qatılmaslıq huqıqına iye.

Hesh kim turaq jayǵa onda jasawshı shaxslardıń qálewine qarsı kiriwi múmkin yemes. Turaq jayǵa kiriwge, sonday-aq shıǵarıp alıwǵa hám kózden keshiriwdi ótkeriwge tek ǵana nızamda názerde tutılǵan jaǵdaylarda hám tártipte jol qoyıladı. Turaq jayda tintiw ótkeriwge tek ǵana nızamǵa hám sudtıń sheshimine muwapıq jol qoyıladı.

B.Dosımbetov, Nókis rayonlar aralıq hákimshilik sudı baslıǵı