Qanlıkól rayonında «Watan qorǵawshılar kúni»ne arnalǵan úgit-násiyat ilajı bolıp ótti

Qanlıkól rayonı 19-sanlı Balalar muzıka hám kórkem óner mektebinde, 14-yanvar «Watan qorǵawshılar kúni» hám Ózbekistan Pespublikası Qurallı kúshleriniń dúzilgenliginiń 26-jıllıǵına arnalǵan úgit-násiyat ilajı bolıp ótti.

Ózbekistan ǵárezsizlikke yeriskennen keyin birinshi Prezidentimiz İ.A.Karimov kórsetken printsipial pozitsiyası, siyasiy iskerligi sebepli, milliy armiyamızǵa tiykar salınıp, 1992-jıl 14-yanvar kúni yelimizde jaylasqan barlıq áskeriy strukturalar Ózbekistan Pespublikasınıń huqıqıy qaramaǵına ótkerilip 26-jıldan berli tariyxıy kún sıpatında belgilenip kelinbekte.

Búgingi kúnde milliy armiyamız yelimizdiń ǵárezsizligin, shegeralarımızdıń qol qatılmaslıǵı, xalqımızdıń tınısh hám tatıw turmısın isenimli qorǵaytuǵın, mın-mınlaǵan ullarımız ushın shın mánisindegi mártlik, pidayılıq, watandı súyiwshilik mektebine aylanıp, usı jolda yerisken yeń úlken tabıslarımızdan bolıp tabıladı. Bul hakıykattı yelimizdegi barlıq ata-analar pútkil xalqımız maqtanısh penen minnetdarshılıq penen tán alıp, analar óz perzentlerin «Meniń ulım-hakıyqıy Watan qorǵawshısı boladı» degen úlken isenim hám maqtanısh sezimi menen Watan qorǵawshılar qatarında áskeriy xızmetke uzatıp salmaqta.

İlajda, Ózbekistan Pespublikası Jurnalistler dóretiwshilik awqamınıń baslıǵı, Ózbekistan Pespublikası Ministrler Keńesi janındaǵı Qorǵanıw isleri boyınsha jámiyetlik keńesi aǵzası S.Hakimov, Ózbekistan Jáhán tilleri universiteti dotsenti P.Muytov, «Yerkin Qaraqalpaqstan» - «Vesti Qaraqalpaqstana» gazetalarınıń bas redaktorı, Qaraqalpaqstan Pespublikası Ministrler Keńesi janındaǵı Qorǵanıw isleri boyınsha jámiyetlik keńesi aǵzası K.Peymov, Qaraqalpaqstan Pespublikasına xızmet kórsetken artistleri S.Uzaqbayev, J.Bekbergenovalar qatnastı.

İlaj dawamında, respublikamızǵa belgili kórkem-óner sheberleri menen rayonlıq kórkem-óner tarawı xızmetkerleriniń kontsert baǵdarlaması qoyıp berildi.

(Foto - WzA)