Qanlıkólde yeki balaǵa yesitiw apparatı menen dári-dármanların alıwda járdem kórsetildi

Ózbekistan Pespublikası Prezidentiniń 2017-jıl 12-sentyabr kúngi «Xalıqtıń kem támiyinlengen qatlamın qollap-quwatlawdıń qosımsha is-ilajları haqqında»ǵı PQ-3268-sanlı qararına muwapıq, rayon hákimligi, «Máhálle» qayırqomlıq jámiyetshiligi fondı hámde kásiplik awqamları shólkemleri menen rayon aymaǵındaǵı kem támiyinlengen, sotsiallıq qorǵawǵa mútáj qatlamın materiallıq hám ruwxıy jaqtan jaqtan qollap-quwatlaw, jámiyette óz-ara doslıq, tatıwlıq, mehir-aqıbet hám keńpeyillik ortalıǵın jánede bekkemlew boyınsha qayırsaqawatlıq ilajları ámelge asırılmaqta.

Qayırsaqawatlıq ilajları negizinde, aymaqlardı úyreniw barısında anıqlanǵan mútájlikleri tiykarında, Qanlıkól rayonında kem támiyinlengen shańaraqlarǵa xojalıq buyımları berilgen bolsa, rayon aymaǵındaǵı 6 oqıwshı jaslarǵa mánzilli meditsinalıq járdemler kórsetiliwi belgilendi.

Búgingi kúnde «Qanlıkól» awıl puqaralar jıyını aymaǵında jasawshı Tursıngúl İslambayevaǵa 4 mln swmlıq yesitiw apparatı, «Jayhun» awıl puqaralar jıyını aymaǵında jasawshı Alisher Peymovqa yemleniwi ushın 4 mln swmlıq mánzilli meditsinalıq dári-dármanları berildi.

Bunday qayırsaqawatlıq ilajları rayon aymaǵında dawam yetpekte.