Xalıqtı dizimge alıw hár puqara ushın zárúrli

 Xalıqtı dizimge alıw mámlekettiń sotsial -demografialıq dúzilisi haqqındaǵı tiykarǵı maǵlıwmat dáregi rásmiy statistika sistemasındaǵı tiykarǵı rol atqaratuǵın zárúrli kórsetkish yesaplanadı. Bunda xalıq sanı boyınsha anıq hám isenimli maǵlıwmat alıw múmkinshiligi payda boladı. Sol sebepli, 2023- jılda mámleketimizde dáslepki márte xalıqtı dizimge alıw ilajlarına házirden saldamlı tayarlıq kórilmekte.

Bul ilaj bizge ne beredi?

 Xalıq sanın dizimge alıw mámlekette jasawshı hámmege tiyisli bolǵan demografialıq, yekonomikalıq jáne sotsial maǵlıwmatlardı jıynaw, ulıwmalastırıw, bahalaw, analiz hám járiyalawdıń birden-bir protsesi bolıp tabıladı. Ol xalıq tuwrısındaǵı maǵlıwmatlardıń tiykarǵı dáregi bolıp, kelesi 10 -20-jıllıq rawajlanıwdıń prognoz kórsetkishlerin yesaplaw ushın isenimli tiykar jaratadı. Xalıq migratsiyasi tuwrısındaǵı maǵlıwmatlar qáliplestiredi. Óz gezeginde, aymaqlardı sotsiallıq-yekonomikalıq rawajlandırıw, xalıq bándligi, hayallar hám balalar salamatlıǵın jaqsılaw hám shańaraqlarǵa járdem kórsetiw boyınsha dástúrlerdi mánzilli islep shıǵıwda maǵlıwmat retinde  paydalanıladı. Xalıq sanın isenimli yesaplaw boyınsha rásmiy statistika sistemasında tiykarǵı rol oynaydı.

 Sonı ayrıqsha atap aytıw kerek, xalıqtı dizimge alıw menen birge taǵı bir zárúrli wazıypanı orınlaw názerde tutılǵan. Bul - aymaqlardı kartalastırıw, yelatlı punktlerindegi úylerdiń dizimin dúziw menen baylanıslı másele.

 Atap ótiw kerek, búgingi kúnde usı ilajǵa qızǵın tayarlıq jumısları alıp barılmaqta. Olardı tabıslı orınlaw menen Ózbekstannıń hár bir wálayatı, qalası, rayonınan tartıp máhellesiniń kóshesine, shet awıl hám alıs awıllarına shekem baylanıslı bolǵan barlıq maǵlıwmatlardı ózinde sáwlelendirgen birden-bir informatsiya bazasına iye bolamız. Bul qımbatlı maǵlıwmatlar bolsa bizge búgin, yerteń hám jaqın keleshekte júdá paydalı boladı.

Ámudárya rayonı statistika bólimi