TEZ JÁPDEM XIZMETİNE 10 DANA JAŃA MAShİNA BEPİLDİ

7-dekabr kúni Ózbekistan Pespublikası Konstitutsiyası qabıl yetilgenliginiń 25-jıllıǵı aldınan Koreya Pespublikasınıń «Autech Corpation» shólkemi menen «Salamatlıq-3» joybarı sheńberinde dúzilgen kelisim boyınsha Qaraqalpaqstanǵa jáne 10 dana «Xyunday-ambulans» avtomashinası keltirildi. Bul tez járdem avtomashinaları Beruniy, Karaózek, Kegeyli, Moynaq, Nókis, Xojeli, Shomanay, Yellikqala, Taqıyatas rayonları hám Nókis qalası meditsinalıq birlespelerine berildi.

Usı múnásibet penen Pespublikalıq qıstawlı tez járdem ilimiy orayınıń Nókis filialında ótkerilgen ilajǵa Qaraqalpaqstan Pespublikası Joqarǵı Keńesi Baslıǵınıń orınbasarı A.Xamrayev hám Ministrler Keńesi Baslıǵınıń orınbasarı M.Jumanovlar qatnasıp, taraw xızmetkerlerin bayram menen qutlıqlap, avtotransport giltlerin tiyisli wákillerge tapsırdı.

– Tarawdıń materiallıq-texnikalıq bazasın bekkemlew baǵdarındaǵı ilajlar barısında 2013-jıldan baslap usı kúnge shekem respublikamızdaǵı «Salamatlıq-3» joybarına kirgizilgen obʼektlerge ulıwma bahası derlik 20 milliard sumlıq zamanagóy meditsinalıq ásbap-úskeneler hám texnikalar, atap aytqanda, Yaponiya mámleketinde islep shıǵarılǵan 6 dana «Nissan» markalı tez járdem avtotransportları, 27 dana zamanagóy rentgen diagnostika apparatları, 41 dana digitayzer, 31 dana ultrazvuk  tekseriw apparatları, 68 dana stomatologiyalıq úskeneler hám basqa da kerekli úskeneler keltirildi. Bul baǵdardaǵı ilajlar yele dawam yetedi, – deydi Jámiyet salamatlıǵı hám densawlıqtı saqlawdı shólkemlestiriw ilim izertlew institutı Qaraqalpaqstan aymaqlıq bólimshesiniń baslıǵı  T.Puzmetova.

Yesletip ótemiz, «Salamatlıq-3» joybarı «Salamatlıq-1-2» joybarlarınıń tikkeley dawamı yesaplanıp, 2012-jıldan óz jumısın baslaǵan. Usı kúnge shekem onıń tiykarında respublikamızdaǵı qala hám rayonlardaǵı meditsinalıq birlespelerdiń xalıqqa kórsetip atırǵan meditsinalıq xızmetiniń sapasın arttırıw, joybar tiykarında tańlap alınǵan júrek qan tamır, dem alıw jolları kesellikleri, qantlı diabet, pediatriya sıyaqlı baǵdarlarda meditsinalıq xızmetlerdi jetilistiriw, yemlewxanalarda nawqaslar ushın qánigelestirilgen statsionar hám konsultativlik-ambulatorlıq járdem alıw múmkinshiligin yele de kúsheytiw, sonday-aq, meditsinalıq oqıtıw sistemasın kúsheytiw baǵdarında aytarlıqtay jumıslar ámelge asırılǵan.

Á.Jiyemuratov,

Qaraqalpaqstan xabar agentliginiń xabarshısı.

http://kknews.uz