ҚИЛИЧБОЙДА ТАРҒИБОТ ТАДБИРИ ЎТКАЗИЛДИ
Маълумки, Ўзбекистон Республикаси дунёдаги барча мамлакатлар билан ўзаро муносабатларда тинчликпарварлик тамойилига амал қилади. Унинг ташқи сиёсатида давлатларнинг суверен тенглиги, куч ишлатмаслик ёки куч билан таҳдид қилмаслик, чегараларнинг дахлсизлигини сақлаш каби қоидалар мустаҳкам ўрин олган. Шунингдек, халқимизнинг тинч-осойишта яшашини таъминлаш, турли хавф-хатарлардан ҳимоя қилишга алоҳида эътибор қаратилади.
Ўзбекистон Қуролли Кучлари жанговар шайлигини, қудратини ошириш, Миллий Армиямиз сафларини ватанпарвар, билимдон, довюрак аскарлар билан бутлаб бориш доимий эътиборда. Айниқса, ҳарбий хизматчилар ва ходимларнинг ҳарбий ватанпарварлик туйғусини, маънавий савиясини ва интеллектуал салоҳиятини юксалтириш, уларда мамлакатимизнинг қадимий ва бой маданияти, азалий қадриятлари, урф-одатлари ва анъаналарига асосланган кенг дунёқарашни шакллантириш жуда муҳим.
Ҳарбий хизматчилар онгига Ватан ҳимояси ҳар бир фуқаронинг шарафли ва муқаддас бурчи эканлигини, миллий армиямиз билан фахрланиш, давлат ва жамият хавфсизлиги учун масъулият туйғусини шакллантиришга алоҳида эътибор қаратилмоқда. Булар ўз навбатида армиямиз қудрати яна ҳам ошишига хизмат қилади.
Шу боисдан ҳам ҳарбий хизматчилар, чегараларимизда собит туриб эл осудалигини таъминлаб ҳарбий қисмларда муддатли ҳарбий хизмат бурчини ўтаётган аскарлар билан маънавий-маърифий тарғибот тадбирлари тез-тез ўтказиб турилади.
Шунингдек, чегараолди ҳудудларда яшовчи аҳоли орасида чегаралар дахлсизлигини сақлаш қонун-қоидаларини кенг тарғиб этиш, улар кўнглида мамлакатимиз қонунларига ҳурмат руҳини тарбиялаш ва бўйсунишларига эришиш, чегараолди таъқиқланган ҳудудларга киришларига йўл қўймаслик ҳам осойишталикни асрашнинг асосий шартларидандир.
8 сентябрь куни мамлакатимизнинг Туркманистон давлати билан чегара ҳудудида жойлашган Амударё туманининг Қиличбой овулида ушбу ҳудудда жойлашган Давлат хавфсизлик хизмати Чегара қўшинларига қарашли ҳарбий қисм хизматчилари, муддатли хизмат бурчини ўтаётган аскарлар, ҳудуд аҳолиси учун маънавий-маърифий тарғибот тадбири ўтказилди.
Республика Маънавият ва маърифат маркази, Давлат хавфсизлик хизмати Чегара қўшинлари, “Маърифат” тарғиботчилар жамияти, Ёшлар ишлари агентлиги ҳамкорлигида ташкил этилган тадбирда таниқли шоира Зулфия Мўминова, Ўзбекистонда хизмат кўрсатган артист Гавҳар Зокирова, Алишер Отабоев ва бошқа эл севган шоирлар, ёзувчилар, санъаткорлар иштирок этишди.
Қиличбой Маданият марказида бўлиб ўтган тадбир байрам тусини олди. Дастлаб мамлакатимиздаги тинчлик-осойишталикнинг аҳамияти, ёшлар учун яратилаётган ғамхўрликлар ҳақида, барча соҳаларда амалга оширилаётган ислоҳотлар туфайли ҳаётимизда юз бераётган янгиланишлар, ўзгаришлар хусусида сўз борди.
Таниқли шоира Зулфия Мўминованинг Ватан мадҳига бағишланган шеърини йиғилганларнинг барчаси қарсаклар билан олқишлади. Тадбир тарғибот гуруҳи аъзолари бўлган санъаткорларнинг концерти билан давом этди.
Ойгул РАЖАБОВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
