БУ ЙИЛГИ ҲОСИЛ УЧУН АСОСИЙ ЭКИН МАЙДОНЛАРИ ТАҚСИМЛАНДИ

Амударё туманида суғориладиган ерларда қишлоқ хўжалиги экинлари фермер хўжаликлари ихтисослашуви ва таклифларини, ички ва ташқи бозор талабларини, ҳудудларнинг табиий иқлим шароитини, сув билан таъминланганлик даражасини, ер майдонларининг мелиоратив ҳолати ва тупроқ унумдорлиги кўрсаткичларини ҳамда моддий-техника, меҳнат ва бошқа ресурслар билан таъминланганлик даражасини таҳлил қилиш орқали оқилона жойлаштирилади.

Туманда 2023 йил ҳосили учун ҳам асосий ер майдонларига ғалла, пахта, сабзавот, картошка, полиз маҳсулотлари, мош, соя, кунжут, кун-габоқар, озуқа экинлари экилмоқда.

Шундан: ғалла 7000,9, пахта 15608,4, сабзавот 904, картошка 300,7, полиз 559,3,  мош 731,6, соя 270,6, кун-жут 981,6, кунгабоқар 290,8, озуқа экинлари 2674,1 гектар ерга экилмоқда. 

Шунингдек, янги бедазор ташкил этиш учун 417,8,  янги узумзор ва тутзор ташкил этиш учун 155,6  ва бошқа экин турлари учун 23,6 гектар ер майдонлари ажратилган.

Аҳолининг қишлоқ хўжалиги маҳсулотларини етиштириб, оилавий даромадларини ошириши учун 669 гектар ер майдонлари ажратилди. Шундан бугунги кунгача 451 лот, 317,7 гектар ер майдонлари уларга тўлиқ ажратиб берилди. Қолган ер майдонлари эса аукционга қўйилди.

Шу ўринда айтиш керакки, бу ерларга "Бир маҳалла – бир маҳсулот" тамойили асосида қишлоқ хўжалиги экинларини экиш ишлари амалга оширилмоқда.

Ундан ташқари, 2023 йил ҳосили учун ердан унумли фойдаланиш, муайян муддат давомида алмашлаб экиш мақсадида экинлардан бўшаган ерларнинг 522,1 гектарига сабзавот, 243,5 гектарига кузги картошка, 155 гектарига полиз маҳсулотлари, 746,9 гектарига мош, 209 гектарига кунжут, 82 гектарига кунгабоқар, 139,2 гектарига шоли, ва 1435,1 гектарига бошқа озуқа экинлари экилади.

Шу ўринда айтиш керакки, мамлакатимиз қишлоқ хўжалиги бўйича улкан салоҳиятга эга. Бозорларимиз тўкин, халқимиз ризқи мўл-кўл бўлишидан тортиб, экспортдан қўшимча даромад топишгача бўлган жуда кўп масалалар шу йўналиш ривожига боғлиқ.

Туманимизнинг жонкуяр фермерлари, бободеҳқонлари эса қишлоқ хўжалигида илмий асосланган ишлаб чиқаришни йўлга қўйиш орқали озиқ-овқат хавфсизлигини таъминлаб, экспорт салоҳиятини ошириш орқали аҳоли жон бошига тўғри келадиган маҳсулотлар ҳажмини бир неча баробарга кўпайтириш йўлида бор куч ва меҳнатини сафарбар қилади.

Баҳодир Қурбониёзов,

туман Қишлоқ хўжалиги бўлими бошлиғи.