ПАРАЗИТАР КАСАЛЛИКЛАРДАН ҲИМОЯЛАНИШ БЎЙИЧА ЎҚУВ-СЕМИНАР БЎЛИБ ЎТДИ
Ўзбекистон Республикаси ҳудудига карантинли, ўта хавфли ва бошқа юқумли касалликларнинг четдан кириб келиши ва тарқалишидан муҳофаза қилиш, айниқса, паразитар касалликларга қарши курашиш, аҳоли ўртасида бу борада кенг тушунтириш ишларини олиб бориш мақсадида Қорақалпоғистон Республикаси санитария-эпидемиология осойишталик ва жамоат саломатлиги бошқармаси буйруғига кўра, айни кунларда туманлардаги дезинструктор ва дезинспекторларнинг билим савиясини оширишда ўчоқли дезинфекция, дезинсекция, дератизация ишларини ўтказиш бўйича ўқув-семинарлари ташкиллаштирилмоқда.
Ана шундай ўқув-семинари Амударё тумани Санитария-эпидемиология осойишталик ва жамоат ва саломатлиги бўлимида ҳам ўтказилиб, унда “Аҳолининг санитария-эпидемилогик осойишталиги тўғрисида”ги Ўзбекистон Республикаси Қонуни ҳамда соҳага оид бир қатор Президент Фармон ва Қарорлари, Ўзбекистон Республикаси Вазирлар Маҳкамасининг 2019 йил 18 ноябрдаги “Ўзбекистон Республикасининг Давлат чегараси орқали ўтказиш пунктларида чегара, божхона, санитария-карантин, фитосанитария ва ветеринария назоратини ташкил этиш тартибини янада такомиллаштириш тўғрисида”ги Қарори ижросини таъминлашга қаратилган долзарб вазифалар хусусида Қорақалпоғистон Республикаси Санитария-эпидемиология ва жамоат саломатлиги бошқармаси мутахассислари томонидан қизиқарли маърузалар ўқилди.
Соҳа мутахассислари, Амударё туман Санитария-эпидемиология осойишталик ва жамоат ва саломатлиги бўлими дезинструкторлари ва дезинфекторлари, аҳоли вакиллари иштирокида ўтказилган семинар ўқув машғулотларида дезинфектор ва дезинструкторларнинг энг муҳим вазифалари тўғрисида масъуллар томонидан атрофлича тушунчалар берилди. Хусусан, юқумли касалликлар ўчоғида ўтказиладиган зарарсизлантириш бўйича чора-тадбирлар, безгак ва лейшманиоз касаллигини ташувчи ва тарқатувчиларга қарши курашиш, дезинфекция воситаларининг ишчи эритмасини тайёрлаш бўйича ишлар амалда кўрсатиб берилди.
Шунингдек, дезинфекция воситаларининг ишчи эритмасини тайёрлаш жараёнида техника хавфсизлиги қоидаларига риоя этиш, бир марта фойдаланиладиган ҳимоя ниқобларидан тўғри фойдаланиш юзасидан тушунча ва тавсиялар берилди. Бундан ташқари, паразитар касалликларга қарши кураш чораларини қўллашда, айниқса, касалликни ўчоғида бартараф этишда эътибор қаратилиши лозим бўлган асосий вазифалар бўйича мутахассислар томонидан тегишли маълумотлар берилди.
Ўқув-семинари давомида иштирокчилар ўзларини қизиқтирган саволлар билан мурожаат қилдилар. Барча саволларга мутахассислар тегишлича жавоблар бериш билан бирга иштирокчиларнинг хоҳиш-истагига кўра, мабода, паразитар касаллик пайдо бўлганида энг аввал қандай ҳимоя чораларини қўллаш зарурлигини амалда кўрсатиб бердилар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
