АМУДАРЁ ТУМАНИ МАДАНИЯТ БЎЛИМИНИНГ ЙИЛ САРҲИСОБИ БЎЙИЧА ЙИҒИЛИШ БЎЛИБ ЎТДИ
Туман Маданият бўлимининг 2022 йил давомидаги фаолияти юзасидан ҳисобот ва келгуси йилги режаларига бағишланган йиғилиш ўтказилди.
2023 йил 9 январь куни бўлиб ўтган йиғилишга Амударё тумани Маданият бўлими мудири Икром Сийтимов раислик қилди. Йиғилиш кун тартибидаги биринчи масалага кўра, Президентимизнинг 2022 йил 2 февралдаги “Маданият ва саънат соҳасини янада ривожлантиришга доир қўшимча чора-тадбирлар тўғрисида”ги Қароридаги маданият ва санъат соҳасидаги истеъдодли ёш ижодкорларни излаб топиш ва қўллаб-қувватлаш, 2022-2026-йилларга мўлжалланган Янги Ўзбекистоннинг тараққиёт стратегиясидаги ҳар бандининг мазмун-моҳияти, мақсади ёшларни маданият ва санъатга бўлган қизиқишини янада ошириш ва эстетик руҳда тарбиялашда ушбу соҳада фаолият юритаётган ҳар бир мутахассис янада фаол ва шижоат билан меҳнат қилиши кераклиги уқтирилди. Шунингдек, туманда маданият ва санъат соҳасини янада ривожлантириш, унинг жамият ҳаётидаги ўрни ва таъсирини ошириш бўйича олиб борилаётган ишларни муҳокама қилинди. Миллий маданиятимизни ривожлантиришда соҳани сифат жиҳатидан янги босқичга олиб чиқиш бўйича тизимли ислоҳотларни амалга ошириш лозимлиги таъкидланди.
Йиғилиш кун тартибидаги иккинчи масала юзасидан И.Сийтимов бугунги кундаги долзарб мавзу бўлган коррупцияга қарши кураш бўйича ҳам маъруза қилди. Коррупция хавфли жиноят эканлиги, бу иллатга қарши курашиш барчанинг иши бўлиши зарурлигини, бу бўйича аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш бўйича зарур тадбирлар, тарғибот-ташвиқот ишларини олиб бориш лозимлигини айтиб ўтди. Ҳар бир ходим ўз вазифасини сидқидилдан бажариши ноқонуний иллатларга чек қўйиши одоб-ахлоқ қоидаларига риоя этиб, маданиятли шахсга айланиш даври келганлигини алоҳида гапириб ўтди.
Шундан кейин касаба уюшмаси бошланғич ташкилоти раиси Н.Эшчанова сўзга чиқиб, ўтган йил давомидаги касаба уюшмаси томонидан амалга оширилган ишлар тўғрисида гапирди. Касаба уюшма аъзоларига эришилган ютуқлар, натижалар ҳисоботини берди. Ташкилотда касаба уюшма жуда кўп ижобий ишлар йўлга қўйилганлиги, маданий-маърифий, спорт тадбирлари мунтазам режа асосида ўтказилганлиги, ходимлар ва уларнинг фарзандларини соғломлаштириш ишлари амалга оширилганлигини айтиб ўтди. Н.Эшчанова бўлимдаги ижодий фаолиятни янада ошириш мақсадида Маданият маркази Низомида белгиланган бандларига асосан услубий кенгаш, бадиий кенгаш, бўлим кенгаши таркибини тузиш бўйича таклиф ва тавсия берди. Бу хусусда фикр-мулоҳазалар тингланди ҳамда жамоа томонидан бир овоздан маъқулланди.
Йиғилиш давомида бўлим ҳисобчиси С.Қўчқорованинг ҳисоботи тингланди. Хўжалик ишлари бўйича мудира Г.Султанова сўзга чиқиб, моддий-техник базани бойитишдаги муҳим масала ҳамда келгусида қилинадиган ишлар тўғрисида ўз фикрини билдирди. Ижро интизоми бўйича Д.Холмуродова Қорақалпоғистон Республикаси Маданият вазирлигининг 2022 йил 23 ноябрдаги “Одоб-ахлоқ қоидаларини тасдиқлаш” тўғрисидаги тегишли буйруғининг ижросини таъминлаш юзасидан маълумот берди.
Ундан ташқари, йиғилишда 2022 йил давомида энг яхши фаолият кўрсатган Қангли маданият маркази туман Маданият бўлими раҳбари томонидан қимматбаҳо совға билан рағбатлантирилди. Қангли маданият маркази тўгарак раҳбарларига Қорақалпоғистон Республикаси Маданият вазирлиги томонидан тақдим этилган миллий чолғулар, мусиқа дарсликлари, тўгараклар фаолияти услубий қўлланмалари ҳам топширилди. Ишчи-ходимлар эса меҳнат қилиш учун қулай шарт-шароит яратиш мақсадида зарур анжомлар билан таъминланди.
Йиғилиш якунида кун тартибидаги масалалар бўйича тегишли қарорлар қабул қилинди.
Насиба Эшчанова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
