БОШЛАНҒИЧ ТАЪЛИМ ФАН ОЙЛИГИ ДОИРАСИДА ТАДБИР ЎТКАЗИЛДИ

Мактаб остонасига оламча ҳаяжон, бироз тортиниш, бироз ҳадик билан илк қадам қўйган болажонларнинг келажакда қандай инсонлар бўлиб вояга йетиши – унга ушбу муассасада бошланғич таълим берган устозларнинг маҳорати, жонкуярлигига кўп жиҳатдан боғлиқ. Чунки бошланғич таълимда барча фанларни ўрганиш учун мустаҳкам пойдевор қўйилади.

Шу маънода олиб қарайдиган бўлсак, бошланғич таълим ўқитувчилари зиммасидаги касб масъулияти жуда салмоқли ва айни пайтда шарафлидир.

Ўзбекистон Республикаси Халқ таълими вазирлигининг тегишли буйруғига асосан умумий ўрта таълим мактабларида ҳар йили сентябр ойида бошланғич таълим фан ойлигини ўтказишдан кўзланган мақсад ҳам ўқувчиларга сифатли таълим беришнинг янги шаклларини яратиш, иқтидорли ўқувчиларни аниқлаш, уларга кўмаклашиш, бошланғич даврдан саводхонлик кўникмаларини ривожлантириш, ижодкор ва ташаббускор ўқитувчилар тажрибасини тарғиб етишга қаратилгандир.

Aмударё туманимиздаги 1-сонли умумий ўрта таълим мактабининг 22 йиллик тажрибага, болаларга бошланғич таълим беришда улкан маҳорат ва кўникмага ега ўқитувчиси Санамжон Ниёзимбетова сентябр – бошланғич таълим фан ойлиги доирасида ўзи таълим бераётган 2-синф ўқувчилари билан бир қанча тадбирлар ўтказди. 24 сентябр куни синф ўқувчилари билан ўтказилган адабий кечада уларнинг иқтидори синовдан ўтказилди, дарс машғулотларини қай даражада ўзлаштираётганликлари яққол аён бўлди.

Мактабнинг бошланғич таълим ўқитувчилари Райҳон Чоршамова, Ақлжон Аллаёрова, Тамара Жуманова Юлдуз Аширова, Назокат Бахтиёрова, Шоҳида Собирова, Умида Болтабоева, Санамжон Ниёзимбетовалар ҳамкорликда ойлик доирасида “Мен буюк юрт фарзандиман” номли расмлар танлови ўтказишди. Бу орқали ўқувчиларнинг ўз она Ватани ҳақида тасаввурларини буёқларда қай даражада акс еттира олиш маҳорати аниқланди.

“Озод ва обод, мустақил диёримни куйлайман” қўшиқлар танлови, ижодкорлик қобилиятини синаш мақсадида ўтказилган “Менинг қўлларим - мўъжизакор” танловида ўқувчилар фаол қатнашиб, ўз қобилият ва қизиқишларини синовдан ўтказдилар. Aлбатта, қобилияциз боланинг ўзи бўлмайди. Мурғак кўнгиллардаги қобилиятни аниқлашда еса бошланғич таълимдаги ана шундай танловлар, мусобақалар муҳим рол ўйнайди.

Тадбирларда мактаб бошланғич таълим ўқитувчилари буларга алоҳида еътибор қаратдилар ҳамда “Ўйла, изла, топ” савол-жавоблари, “Математика билимдони”, “Кимнинг хати чиройли” мусобақалари орқали ўқувчиларнинг дарс машғулотларида олган билимларини аниқладилар.

Ўқувчилар ҳар бир танловда ўзларининг билимдон, зукко еканлигини кўрсатишга астойдил ҳаракат қилдилар. Енг фаол иштирок етган, билимдонлигини, иқтидорини кўрсата олган ўқувчиларни фан ойлиги якунига бағишланган тадбирда рағбатлантириш кўзда тутилган.

Фан ойлиги доирасида ўтказилаётган тадбирларнинг барчаси бошланғич синфлар ўқувчилари фаоллигининг ошишига, илм олишга интилишини рағбатлантиришга хизмат қилаётгани билан аҳамиятлидир.

Ойгул РАЖАБОВА.