БИР ЙИЛЛИК МАЖБУРИЙ ТАЪЛИМ МАКТАБ ЁШИДАГИ БОЛАНИНГ ТАЪЛИМГА ТЕЗ МОСЛАШШИШНИ ТАЪМИНЛАЙДИ
Юртимизда болаларни бошланғич таълимга мажбурий бепул бир йиллик тайёрлаш бўйича дастлабки лойиҳанинг ижобий тажрибасини бошқа ҳудудларда ҳам татбиқ этиш, мактабгача таълим тизимини янада такомиллаштириш, соғлом, фаол, баркамол, ижтимоий мослаштирилган болаларни тарбиялаш, келгусида муваффақиятли ўқув фаолияти учун шарт-шароитларни шакллантириш ва уларни бошланғич таълимга сифатли тайёрлаш борасида тегишли чора-тадбирлар, самарали ишлар амалга оширилмоқда.
Ўзбекистон Республикаси Президентининг Олий Мажлисга йўллаган Мурожаатномаси ижросини таъминлаш мақсадида Ўзбекистон Республикаси Вазирлар Маҳкамасининг 2020 йил 9 мартдаги “Болаларни бошланғич таълимга мажбурий бир йиллик тайёрлаш тизимини янада ривожлантириш чора-тадбирлари тўғрисида” 132-сонли қарори қабул қилинган эди. Вазирлар Маҳкамасининг шу йил 9 февралдаги “Вазирлар Маҳкамасининг “Болаларни бошланғич таълимга мажбурий бир йиллик тайёрлаш тизимини янада ривожлантириш чора-тадбирлари тўғрисида” 2020 йил 9 мартдаги 132-сон қарорига ўзгартиришлар ва қўшимча киритиш тўғрисида”ги 66-сон қарори ҳам қабул қилиниб, ўзгартириш ва қўшимчалар киритилди.
Унга кўра, тайёрлов гуруҳларида ўқув йили жорий йилнинг 2 сентябридан кейинги йилнинг 31 майигача бўлган даврни, ёзги соғломлаштириш даври жорий йилнинг 1 июнидан 31 августигача бўлган даврни ўз ичига олади. Шунингдек, мактабгача таълим ташкилотларига қамраб олинмаган болаларнинг мавжуд контингенти тегишли органлар томонидан май ва июнь ойларида ўрганилади. Илгари бу июнь ва июль ойларида амалга ошириларди. Энди тайёрлов гуруҳларига келгуси йилда 7 ёшга тўладиган болалар қабул қилинади. Олдинги таҳририда бу ёш тегишли йилнинг 1 сентябрида 5 ёш-у 6 ойни ташкил қиларди.
Туманимизда ҳам мактабгача таълим билан қамраб олинмаган болалар учун тайёрлов гуруҳлари шакллантирилиб, тайёрлов гуруҳларининг ўқув-тарбия жараёнига замонавий инновацион педагогик технологиялар, таълим ва тарбиянинг самарали шакллари ҳамда усуллари жорий этилмоқда. Тайёрлов гуруҳлари миллий маданий-тарихий қадриятларни акс эттирадиган ва болаликдан китоб ўқишга қизиқишни оширадиган ўқув-методик, дидактик материаллар, ривожлантирувчи ўйинлар ҳамда ўйинчоқлар, бадиий адабиётлар билан таъминланмоқда. Илғор хорижий тажрибани ҳисобга олган ҳолда, мактабгача таълим билан қамраб олинмаган болаларнинг давлат талабларига мувофиқ ҳар томонлама ақлий, ахлоқий, эстетик ва жисмоний камол топиши учун шарт-шароитлар яратиш, тайёрлов гуруҳларини ташкил этишда мактабгача таълимнинг муқобил шаклларини кенг жорий этиш мақсадида туманда 2020-21 йилда 10 та гуруҳга 300 нафар болалар қамраб олинган эди. 2021-2022 ўқув и ҳам қамров кенгайтирилиб, 5 та гуруҳда 145 бола шу кунгача 445 нафар болалар тайёрлов гуруҳларига жалб этилди. Янги 2022-2023 ўқув йили учун ҳам тайёрлов гуруҳларини ташкил этиш ва уларга мактаб ёшидаги болаларни қамраб олиш борасида тегишли чора-тадбирлар кўрилмоқда.
Бир йиллик мажбурий тайёрлов тизими мактабгача таълим ташкилотларига қамраб олинмаган болаларни мактабга тайёрлаш мақсадида жорий қилинган. Болаларнинг бепул равишда кунига 3-4 соат атрофида таълим-тарбия жараёнига жалб этилиши боғчага бормайдиган болалар ва уларнинг ота-оналари учун яхши имконият. Зеро тайёрлов гуруҳларидаги машғулотларда қатнашган бола мактабга чиққанда кўп жиҳатдан тасаввури кенгайгани ҳисобига таълим жараёнига тез мослашади.
Солия Бобожонова, туман МТБ давлат ва нодавлат мактабгача таълим ташкилотлари
фаолиятини ҳамда ўқитишнинг муқобил шаклларини ташкил этиш шўъбаси мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
