Қипчоқ овул фуқаролар йиғинида ҳоким ва ёшлар учрашуви бўлиб ўтди
Бугун мамлакатимизда ёшлар учун яратилаётган шароит ва имкониятлар кўлами тобора кенгаймоқда. Мустақил фикрлайдиган, замонавий илм-фан ва касб-ҳунарларни пухта эгаллаган, ўз юрти ва халқига фидойи, аждодларимиз бошлаб берган ишни давом эттиришга қодир бўлган, ҳар томонлама соғлом ва баркамол авлодни вояга етказиш давлатимиз ва жамиятимизнинг бош мақсадидир. Шу мақсадда катта умид, орзу-мақсадлар билан ўз келажаги сари шаҳдам ҳаракат қилаётган шижоатли ёшларимизни қўллаб-қувватлаш борасида тизимли ишлар қилинмоқда.
Амударё туманининг Қипчоқ овулида ёшлар иштирокида ўтказилган “Ҳоким ва ёшлар учрашуви” ҳам шу мақсадга қаратилгани билан аҳамиятлидир.
Учрашувда туман ҳокими Султонбой Йўлдашев, туман Халқ қабулхонаси мудири Эркин Ражабов, ҳоким ўринбосари Маҳмуд Шерметов ҳамда мутасадди ташкилот вакиллари ҳамда 40 дан ортиқ фаол ёшлар иштирок этишди.
Учрашув давомида туман ҳокими Султонбой Йўлдашев ёшларни ҳар томонлама қўллаб-қувватлаш, ёш авлоднинг ҳуқуқ ва эркинликларини ҳимоя қилиш, уларга ҳар томонлама ёрдам кўрсатиш бугунги ислоҳотларнинг бош мавзуси эканлигини таъкидлади.
Шунингдек, мамлакатимизда ёшларнинг юксак марраларни эгаллашлари учун яратилаётган шарт-шароитлар, чексиз имкониятлар ҳақида тўхталиб, ёшларни ўқиб билим олишга, шижоат билан олға интилишга ҳамда Ватан хизматига ярайдиган муносиб фарзанд бўлишга даъват қилди.
Учрашувда туман Халқ қабулхонаси бўлими мудири Эркин Ражабов ёшлардан келиб тушаётган мурожаатлар ўтган йилгига қараганда сезиларли даражада камайганлигини, ҳоким ёрдамчилари ва ёшлар етакчилари томонидан муаммолар жойида ҳал қилинаётганлигини таъкидлади.
Йиғилиш давомида туман ҳокими ўринбосари ёшларга ота-боболаримиздан келаётган “Узтоз-шогирд” анъанасини кўпроқ давом эттириш кераклигини, ёшларнинг кўпроқ хунар ўрганишлари лозимлигини ва бунинг учун барча шарт-шароитлар яратилганлигини айтиб ўтди.
Шундан сўнг, учрашувга ташриф буюрган ёшларнинг муаммо ва таклифлари тингланди. Ёшлардан Моҳира Жаббарбергенова, Ирода Бобожановалар имтиёзли кредит ажратилишида амалий ёрдам сўраб мурожаат қилишди. Мурожаатлар юзасидан тегишли масъулларга топшириқлар берилиб, ёшларнинг талаблари қаноатлантирилди.
Йиғилишда иштирок этган ёшлар туман ҳокимига ўз таклифлари билан ҳам мурожаат қилишди. Ҳоким билан учрашув барча ёшларда ўзгача таассурот қолдирди.
Бугун Ўзбекистонда юксак маънавиятли авлод тарбияланмоқда. Бугунги ёшларнинг онг-у шуури, дунёқараши ҳам ўзгарган. Ёшларимиз орасида янгича ўйлайдиган, инновацион ғояларини амалга татбиқ эта оладиган кучлар борлиги бизни қувонтиради. Мана шундай шижоатли ва билимли ёшлар сафининг кенгайиши учун эса ҳар биримиз ҳисса қўшишимиз лозим. Зеро, эртанги кун, мамлакатимиз келажаги ёшлар қўлида.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
