69-сонли умумтаълим мактабида “Мактаб кубоги” учун беллашувлар ўтказилди

Ҳар жиҳатдан етук, интеллектуал ривожланган, билимли ва тафаккур олами кенг ёшларни тарбиялаш педагог ходимларнинг асосий мақсади саналади.

Шу мақсадда Амударё туманидаги умумий ўрта таълим мактабларида фаолият юритаётган фидоий ўқитувчилар ҳар бир ўқувчининг қобилиятларини ривожлантириш, истеъдод ва билимини юзага чиқаришга интилиб астойидил меҳнат қилиб келмоқдалар.

Қолаверса, Ўзбекистон Республикаси Президентининг “Ёшлар билан ишлаш тизимини самарали ташкил этиш, маданият, санъат, спорт, ахборот технологиялари, китоб ўқишга қизиқишини ошириш бўйича “Беш муҳим ташаббус”дан келиб чиқиб, педагоглар томонидан турли тадбирлар ва беллашувлар ўтказилиб келинмоқда.

Шундай беллашувлардан бири Амударё тумани Халқ таълими бўлимига қарашли 69-сонли умумтаълим мктабида мактаб директори Дилшод Бабаниёзов ташаббуси билан ташкил этилди.

Мактаб кубоги учун барча фанлардан ўтказилган макур беллашувларда мактабда таълим олиб келаётган жами 714 нафар ўқувчидан 500 га яқин ўқувчи қатнашиб ўз билим ва салоҳиятини синовдан ўтказдилар.

Ғолиб бўлган ўқувчилар “Энг яхши футбол жамоаси”, “Энг яхши атлeтика ғолиби”, “Энг яхши биология билимдони”, “Энг яхши кимёгар”, “Энг яхши физика билимдони”, “Энг яхши она тили билимдони”, “Энг яхши чeт тили билимдони” ва бошқа номинациялари бўйича тақдирландилар.

Ўқувчилар ўртасида бундай беллашувларнинг ўтказилиши улар ўртасида ҳамжиҳатлик, дўстона муҳитни қарор топтириш билан биргаликда истеъдод ва қобилиятларини янада ривожлантиришга, ўз устида янада кўпроқ ишлашга чорлайди.

Шу ўринда айтиш керакки, туманимизда фаолият юритаётган 69-сонли мактаб жамоаси ўқувчиларга ҳар томонлама ўрнак бўлиб, уларга сифатли таълим билан биргаликда юксак инсоний фазилатларга асосланган тарбия ҳам бериб келмоқдалар.

Ўқитувчилар ва ўқувчилар ўртасидаги дўстона муносабатнинг намунали тарзда йўлга қўйилганлигини ўқувчилар юзидаги мамнунлик ифодаси ва табассумларидан илғаб олиш қийин эмас.

Мактабда фаолият юритаётган ходимлар ўртасидаги соғлом рақобат муҳити мактабдаги ўқувчиларнинг билим салоҳияти ошишига ва юқори марраларни эгаллашларида муҳим омил бўлиб хизмат қилмоқда.

2021-2022 ўқув йилида мактабда таълим сифатини ошириш бўйича самарали ишлар амалга оширилди. Ушбу сайъ-ҳаракатларнинг натижаси ўлароқ фанлар олимпиадасида она тили фани ўқитувчиси Саида Нажматдинованинг 9-синф ўқувчиси Рустамова Сарвиноз, қорақалпоқ тили фани ўқитувчиси Маҳбуба Сариеванинг 10-синф ўқувчиси Раҳимбоева Динора, немис тили фани ўқитувчиси Болтаева Мўтабарнинг 10-синф ўқувчиси Раҳимбоева Севинчой, 11-синф ўқувчиси Олланазаров Равшанбеклар Қорақалпоғистон Республикаси босқичида фаол қатнашиб совринли ўринларни қўлга киритдилар.

Шунингдек, туманимизда секторлар кесимида ўтказилган футбол ва мини футбол мусобақаларида ҳам мактаб ўқувчилари фаол қатнашидилар. Бундан ташқари, спортнинг бошқа турлари бўйича ўтказилаётган мусобақаларда мактаб ўқувчилари эпчиллик ҳамда уддабуронлик қобилиятларини намоён қилиб, совринли ўринларни қўлга киритишмоқда.

Мактабдаги ўқувчилар тарбияси, уларга берилаётган билим ва кўникмалар мактабнинг маънавий-маърифий ишлар бўйича директор ўринбосарлари Дилшод Болтаев, Жўрабек Тажимуродов, ўқув ишлари бўйича директор ўринбосари Жаҳонгир Жумановлар томонидан доимий назоратда бўлганлиги сабаб 69-мактаб туманимиздаги намунали мактаблар сафидан жой олган.

 Шу ўринда айтиш керакки, ёш авлодга қаратилаётган ҳурмат ва эътибор ҳар қачонгидан ҳам кучайган. Сабаби, эртанги куннинг умидлари бўлган ёшлар давлат ривожланиши ва тараққиётини белгиловчи муҳим ижтимоий қатлам саналади.

Шундай экан, ҳар бир ёш авлоднинг баркамол шахс бўлиб вояга етишларида мактабгача таълим, умумий ўрта таълим ва Олий таълим жипслиги муҳим аҳамият касб этади.

Ф.Эшимбетова