Тўлқин овулида ҳоким ва ёшлар учрашуви бўлиб ўтди
Ёшлар муаммоларини тинглаш, уларнинг таклиф ва ташаббусларини қўллаб-қувватлаш борасида бугунги кунда юртимизда кенг кўламли амалий ишлар олиб борилмоқда. Шу жумладан, барча даражадаги раҳбарлар ёшлар соҳасини ўз кун тартибидаги бош вазифа сифатида белгилаган ҳолда, мамлакатимизнинг барча ҳудудларида, маҳалла ва қишлоқларда ёшлар билан сайёр қабул ва учрашувлар ташкил этишиб, уларнинг ўз мақсад ва интилишлари йўлидаги тўсиқларни бартараф этишга кўмаклашмоқдалар.
28 апрель куни Амударё тумани Тўлқин овул фуқаролар йиғинида истиқомат қилувчи ёшлар билан бўлиб ўтган “Ҳоким ва ёшлар учрашуви” ҳам шу каби мақсад ва вазифаларга қаратилди.
Амударё тумани ҳокими Султонбой Йўлдашев, туман ҳокими ўринбосари Маҳмуд Шерметов, туман Халқ қабулхонаси бўлими мудири Эркин Ражабов ҳамда мутасадди ташкилот вакиллари иштирокида ташкил этилган мазкур учрашувда 29 нафар ёшлар ўз муаммо ва таклифлари билан иштирок этишди.
Учрашув аввалида туман ҳокими Султонбой Йўлдашев ёшларга мурожаат қилиб туманимиздаги ёшларнинг интилишлари ва ташаббусларини қўллаб-қувватлаш истеъдод ва салоҳиятини намоён этиши учун замонавий шароитлар яратишга алоҳида эътибор қаратилаётганлигини такидланди.
Дарҳақиқат, сўнгги йилларда ўсиб келаётган авлодга оид давлат сиёсатининг ҳуқуқий асослари мустаҳкамланиб, ёшлар масалаларига алоҳида эътибор қаратиб келинмоқда. “Беш муҳим ташаббус”нинг ҳар бир йўналишини туманда тизимли амалга ошириш бўйича вазифалар белгиланди.
Учрашув очиқ мулоқот тарзида, расмиятчиликдан ҳоли, кўтаринки руҳда бўлиб ўтди. Ёшлар ўзларининг қизиқишлари, олдига қўйган режалари ҳақида, дуч келаётган муаммо ва тўсиқлар ҳақида туман ҳокимига тўғридан тўғри мурожаат қилиб йўл-йўриқ ва кўрсатмалар олишди. Жойида ҳал қилиш имкони бўлган оғзаки мурожаатлар шу ернинг ўзида қаноатлантирилди.
Шундан сўнг Ўзбекистон Республикаси Президентининг Амударё туманидаги Халқ қабулхонаси мудири Эркин Ражабов сўзга чиқиб, ёшларга бўш вақтини мазмунли ўтказишлари лозимлигини, касб-ҳунар эгаллаб билим олиши кераклигини таъкидлади. Шунингдек, илм-маърифатнинг инсон ҳаётидаги аҳамияти ҳақидаги фикрларга тўхталиб, буларнинг барчаси исбот талаб қилмайдиган ҳақиқат эканлигини эътироф этди.
Шундан сўнг ёшларнинг муаммолари ва таклифлари атрофлича тингланди. Мурожаатлар мазмуни асосан имтиёли кредит ажратилиши, ҳайдовчилик гувоҳномасига ўқишда субсидия ажратилиши бўйича бўлди.
Мурожаатлар белгиланган муддатда ва сифатли амалга оширилиши юзасидан соҳа масъулларига топшириқлар берилиб, муддатлар белгиланди.
Ёшларининг ҳаётий қизиқишларини ўрганиш, уларни қийнаб келаётган муаммоларни аниқлаш ва бартараф этиш юзасидан амалий ёрдам бериш мақсадида ўтказилган ҳоким ва ёшлар учрашуви барча ёшлар дилида ўзгача таассурот қолдирди.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
