Амударё тумани 2-сонли касб-ҳунар мактаби фаолиятига бир назар
Мамлакатимизда ўрта махсус профессионал таълим тизимида амалга оширилаётган кенг қамровли ислоҳотлар ўсиб келаётган ёш авлодда интеллектуал қобилиятлар ва касбий билимларни ривожлантиришни кўзда тутади. Шу мақсадда Ўзбекистон Республикаси Президентининг 2019 йил 6 сентябрдаги “Профессионал таълим тизимини янада такомиллаштиришга доир қўшимча чора-тадбирлар тўғрисида”ги фармонига асосан Амударё хизмат кўрсатиш ва сервис касб-ҳунар коллежи негизида Амударё тумани 2-сонли касб-ҳунар мактаби қайта ташкил қилинди.
Таълим муассасаси ЮНЕСКО ташкилоти томонидан қабул қилинган Халқаро стандарт таснифлагичнинг 3-даражасига мос келувчи таълим дастурлари асосида умумий ўрта таълим мактабларининг 9-синф битирувчиларидан кадрлар тайёрлайди.
Мазкур ўқув маскани 360 нафар ўқувчи ўрнига мўлжалланган бўлиб муассасада фаоллар зали, спорт зали ва спорт майдончалари, 150 ўринли ўқув ишлаб чиқариш устахонаси мавжуд.
Шунингдек, ахборот кутубхона компьютер технологиялари билан таъминланган бўлиб, Ziyonet.uz ахборот тармоғига ҳамда оптик толали интернет толаларига уланган. Шунингдек кутубхонада 8 минг 860 дона илмий ва бадиий адабиётлар фонди мавжуд бўлиб билимга чанқоқ ёшлар ундан самарали тарзда фойдаланишмоқда.
Ундан ташқари, 2-сонли касб-ҳунар мактабида физика, кимё, биология, лабароториялари ва автомобилларни таъмирлаш, чет тиллари лингафон хоналари, тикувчилик, чизмачилик махсус хоналари шунингдек, автомобилларга техник хизмат кўрсатиш ва таъмирлаш, йўл ҳаракати қоидалари, пайвaндловчи, газ ва сув тизимларини таъмирлаш, тикувчилик, электротехника аппаратларини таъмирлаш, ошпаз ва қандолатчи, устахоналари мавжуд ўқувчи-ёшлар малакали устозларидан олган билим ва кўникмаларини мана шу устахоналарда амалиётда қўллаб ўз тажрибаларини оширадилар.
Жорий йилда касб-ҳунар мактабида автомобилларни таъмирлаш чилангари, автомобил юриш қисмларига техник хизмат кўрсатиш ва таъмирлаш чилангари, тикувчи,пайвандловчи, газ ва сув истеъмол назоратчи оператори, ошпаз, қандолатчи, ахборот воситалари машиналари ва компютер тармоқлари оператори, касблари буйича 377 нафар ўқувчи ёшлар ўқитилмоқда. Уларга 24 нафар малакали ўқитувчи ва 13 нафар ишлаб чиқариш таълим усталари таълим тарбия бериб келмоқдалар.
Бундан ташқари касб-ҳунар мактабида 20 та фан ва спорт тўгараклари ташкил қилинган бўлиб, ҳар бир ўқувчи ўзи танлаган касб бўйича назарий ва амалий билимларини ошириб келмоқдалар.
Шунингдек, ўқувчи-ёшлар устозларидан олган билим ва кўникмаларини мустаҳкамлаш мақсадида туманимиздаги 17 корхона ва ташкилотларда амалиёт даврини ўтамоқдалар.
Таълим муассасасининг асосий мақсадларидан бири ёшларни тадбиркорликка йўналтириш бўлиб, бу борада еришилаётган ютуқлар алоҳида эътирофга сазавор.
Айрим ўқувчилар ўзининг танлаган касби бўйича устозларидан таълим олиб ўз тадбиркорлик фаолиятини йўлга қўйишган. Уларга мактабнинг малакали устозлари томонидан доимий равишда йўл-йўриқ кўрсатилиб тавсиялар бериб келинмоқда.
Шу ўринда айтиш лозимки, бугунги кунда ёшларнинг бандлигини таъминлаш ва касб-ҳунар эгаллашларига имкон яратиш долзарб масала бўлиб турган бир вақтда касб-ҳунар мактабларининг фаолияти самарали ташкил этилаётгани қувонарли ҳолдир. Амударё тумани 2-сонли касб-ҳунар мактаби жамоаси ҳам бу борада юқори натижаларга эришишни ўз олдларига мақсад қилиб қўйганлар.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
