9 апрель — Қорақалпоғистон Республикаси Конституцияси қабул қилинган кун муносабати билан Амударё туманида байрам тадбири ўтказилди
1993 йил 9 апрель куни Қорақалпоғистон Республикаси Конституцияси қабул қилинди ва бу сана умумхалқ байрами, деб эълон қилинди. Бу байрамни халқимиз давлатимиздаги адолат, қонун устуворлигини таъминлаш ҳамда ҳуқуқий демократик давлат қуриш йўлидаги муҳим қадам деб билади.
9 апрель куни Қорақалпоғистон Республикасининг барча ҳудудларида бахтимиз қомуси бўлган конститутция куни муносабати билан байрам тадбирлари ўтказилди. Жумладан, Амударё туманида ҳам Қорақалпоғистон Республикаси Конституциясиси қабул қилинганига 29 йил тўлиши муносабати билан “Конститутциям – менинг ғурурим” шиори остида тантанали йиғилиш ва концерт дастури бўлиб ўтди.
Тадбирда туман ҳокими Султонбой Йўлдашев, депутатлар, секторлар раҳбарлари, ҳоким ўринбосарлари, туман ҳокимлиги, муассаса, корхона ва ташкилотлар масъуллари, фуқаролар йиғинлари раислари, таълим соҳаси илғорлари, кенг жамоатчилик вакиллари ҳамда оммавий ахборот воситалари вакиллари иштирок этди.
Саҳнада ўрнатилган экранда ҳилпираб турган Ўзбекистон ва Қорақалпоғистон Республикалари байроқлари тадбирга ўзгача салобат бахш этди. Тадбир иштирокчилари кўз ўнгида видеолавҳалар орқали юртимизда амалга оширилаётган ислоҳотлар, улкан ўзгаришлар, ёшларнинг билим олиши, аҳолининг фаровон турмуш кечириши учун яратилаётган шароит ва имкониятлар намоён бўлди.
Тадбир аввалида Ўзбекистон ва Қорақалпоғистон Республикаларининг давлат мадҳиялари янгради.
Шундан сўнг туман ҳокими Султонбой Йўлдашев юртдошларимизни Қорақалпоғистон Республикаси Конституцияси қабул қилинганининг 29 йиллиги билан самимий муборакбод этиб, халқимиз ҳаётини янада обод ва фаровон қилиш, юртимизда яшаётган, миллати, тили ва динидан қатъи назар, ҳар бир инсонга эътибор ва ғамхўрлик кўрсатиш – Конституциямизнинг бош мақсади эъканлигини этироф этди. Шунингдек, бош қонунимизни чуқур ўрганиш, англаш, ҳаётга жорий этиш ва унга сўзсиз амал қилиш – барчанинг шарафли бурчи эканлигини таъкидлади.
Туман прокурори Азиз Рўзметов йиғилганларга асосий қонунимизда инсоннинг ижтимоий ҳуқуқларига қаратилган эътибор, уларнинг ҳуқуқ ва мажбуриятлари ҳақида тўхталиб, Республикамизда қонун доирасида амалга оширилаётган катта ўзгариш ва янгиланишлар ҳақида айтиб ўтди ҳамда юртдошларимизни байрам шодиёнаси билан самимий қутлади.
Шундан сўнг тадбирда туманимизнинг таниқли ва хушовоз санъанткорлари томонидан она Ватан мадҳи тараннум этилган гўзал куй-қўшиқлар янгради. Мактаб ўқувчиларининг Конституция ҳақида тўлқинланиб ўқиган шеърлари йиғилганлар дилига ўзгача ғурур ва ифтихор бахш этди.
Айниқса, турли миллат урф-одатларини ўзида намоён этувчи, бош қомусимизда белгилаб берилган барча миллат вакиллари тили, дини ва эътиқодидан қатъий назар қонун олдида тенглиги ва тинч-тотув яшаб келаётганлиги гўзал рақслар орқали кўрсатиб берилди.
Дарҳақиқат, бахтимиз қомуси бўлган Конституциямиз миллатидан қатъий назар барча юртдошимизнинг ҳуқуқ ва мажбуриятларини ўзида акс эттирган бўлиб, ҳали узоқ йиллар давомида юртимиз буюк келажаги ва халқимиз фаровон турмушининг ҳуқуқий асоси бўлиб хизмат қилади.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
