КАСБГА МУҲАББАТ КАМОЛОТГА ЕТАКЛАЙДИ
Ойбек номли маҳалладаги 6-сонли давлат мактабгача таълим ташкилоти мудираси Шаҳноза Қиличева касбидан камол топаётган аёллардан бири. У 2009 йилда Низомий номидаги Тошкент давлат педагогика университетини мактабгача таълим ва болалар спорти ихтисослиги бўйича тамомлади ва шу йили 29-сонли мактабгача таълим ташкилотида тарбиячи бўлиб иш бошлади.
У ерда икки йил самарали фаолият юритиб, 2011 йилда 8-сонли умумтаълим мактабига психолог бўлиб ишга кирди. Ушбу мактабдаги 5 йиллик фаолияти мобайнида бола психологияси бўйича эгалланган тажриба Ш.Қиличеванинг 2016-2019-йилларда 16-сонли умумтаълим мактабида бошланғич синф ўқитувчиси сифатида фаолият юритишида қўл келди. У 2019 йилдан ҳозирга қадар 6-сонли давлат мактабгача таълим ташкилоти мудираси сифатида фаолият олиб бормоқда.
Шаҳноза самарали меҳнат фаолияти давомида Қорақалпоғистон Республикаси Мактабгача таълим вазирлиги томонидан фахрий ёрлиқлар билан тақдирланди. Шунингдек, унинг таълим-тарбия соҳаси ривожига қўшаётган беқиёс ҳиссаси «Ўзбекистон Республикаси мустақиллигининг 30 йиллиги» эсдалик нишони билан муносиб рағбатлантирилди.
Ш.Қиличева раҳбарлик қилаётган 6-сонли давлат мактабгача таълим ташкилоти бугунги кунда туманимиздаги намунали таълим-тарбия масканларидан бири ҳисобланади. Ташкилотнинг янги, замонавий шарт-шароитларга эга бўлган биноси жорий йил апрель ойида қуриб битказилган бўлиб, муассасада тарбиячилар ҳамда тарбияланувчилар учун барча қулайликлар мавжуд.
Тарбия масканида тарбияланувчилар сони йилдан-йилга ортиб бормоқда. Хусусан, 2019 йилда ташкилотда 3-7 ёшгача бўлган болалар сони 125 нафарни ташкил этган бўлса, бу кўрсаткич 2020 йилда 280 нафарга етказилди. Ҳозирда ташкилотда 5 та асосий, 4 та қисқа муддатли гуруҳлар, 1 та мажбурий таълим гуруҳлари фаолият юритмоқда. Ташкилотнинг тўлиқ кунли мактабга тайёрлов гуруҳларида 30 нафар, турли ёшдаги гуруҳларида 120 нафар, қисқа муддатли гуруҳларида 100 нафар, мажбурий бепул таълим гуруҳларида 30 нафар тарбияланувчилар тарбияланмоқдалар. Ушбу гуруҳларда 20 нафар педагог-тарбиячилар болажонларга таълим-тарбия беришмоқда. Уларнинг 10 нафари олий маълумотли мутахассислардир.
Ўз касбини севган, фидойилик билан меҳнат қилган инсон эл-юрт орасида ҳурмат-эътибор, қадр топади. Ш.Қиличева каби касб фидойиларини Ўқитувчи ва мураббийлар байрами билан табриклаймиз.
Чарос Арслонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
