Ўзбекистон Либерал демократик партияси туман кенгашининг бошланғич партия ташкилоти йиғилиши бўлиб ўтди

Тадбиркорлар ва ишбилармонлар ҳаракати – Ўзбекистон Либерал Демакратик партияси жамиятда ўзининг сиёсий ўрни ва мавқейига эга партия ҳисобланади. Партия аъзолари томонидан жорий йилда ўтказиладиган энг катта сиёсий воқеа – Ўзбекистон Республикаси Президенти сайловига тайёргарлик ишлари жадал суръатларда ташкил этилмоқда.

Партиянинг Амударё тумани кенгаши партия мақасад ва вазифалари, дастури доирасида самарали фаолият юритиб келмоқда. Жорий йилнинг 11 август куни Ўзбекистон Либерал-демократик партияси туман кенгаши томонидан тумандаги Туркманистон муқобил машина-трактор парки ҳузуридаги бошланғич партия ташкилотида йиғилиш бўлиб ўтди.

Йиғилишда партиянинг туман кенгаши аппарат раҳбари Мадамин Казаков, партия депутати Фозил Қурбонбоев, депутат, Туркманистон муқобил машина-трактор парки раҳбари Абдуқодир Тлеумуратовлар ҳамда партиянинг бошланғич ташкилоти аъзолари иштирок этдилар.

Йиғилишда сўзга чиққанлар бугунги кунда Ўзбекистон Либерал-демократик партияси мақсад ва вазифаларини амалга оширишда Амударё туман кенгашининг самарали фаолияти, партиянинг бошланғич ташкилоти томонидан амалга оширилаётган ишлар хусусида сўз юритдилар.

Таъкидланганидек, Тадбиркорлар ва ишбилармонлар ҳаракати – Ўзбекистон Либерал-демократик партияси туман кенгаши бугунги кунда 3962 нафар аъзоларига эга. Партия аъзолари 65 та бошланғич ташкилотга бирлашган ҳолда фаолият юритиб келмоқда. Партия аъзолари партиянинг асосий мақсадларидан бири сиёсий куч сифатида бирлашган ҳолда тадбиркорлар, ишбилармонлар ва фермерларнинг янада кенгроқ фаолият юритишлари учун янги имкониятлар яратиш, уларнинг истиқболини ҳам назарий, ҳам амалий жиҳатдан асослаб бериш, жамиятнинг мазкур қатлами манфаатларини ҳимоялаш ва эртанги кунини таъминлаш борасида тизимли ишларни ташкил этишмоқда.

Шунингдек, партия мамлакатимизда бозор ислоҳотларини янада чуқурлаштиришнинг энг муҳим муаммоларини ҳал қилишда ташаббускор бўлиш ва фаол иштирок этиш, мамлакатни модернизация қилиш ва иқтисодиётни барқарор ривожлантириш, тадбиркорлик эркинлигининг амалий кафолатларини таъминлаш, ҳақиқий мулкдорлар қатламини шакллантириш йўлидаги тўсиқларни бартараф этиш, тадбиркорлик субъэктларини ҳуқуқий ҳимоя қилиш тизимини янада такомиллаштириш каби устувор вазифалар ижросини таъминлаб келмоқда.

Шу билан бирга партия мақсад ва вазифалари моҳиятини аҳоли эътиборига самарали тарзда етказиш, жойлардаги ижтимоий-иқтисодий муаммоларни мунтазам ўрганиб бориш, уларни партиявий воситалар билан ҳал этиш, шу жумладан минтақаларни ижтимоий-иқтисодий ривожлантиришда фойдаланилмаётган захира ва ички имкониятларни излаб топиш ва аҳоли турмуш фаровонлигини оширишга қаратилган дастурларни амалга оширмоқда.

Тадбир давомида партия сафига янгидан аъзолар қабул қилинди ҳамда уларга масъуллар томонидан аъзолик гувоҳномалари ва партия логотипи туширилган совғалар топширилди.

Туман ҳокимлигининг Ахборот хизмати.