Амударё туманидаги оммавий муштлашув юзасидан расмий муносабат
Ижтимоий тармоқларда “Амударё туманида катта кўчада — машиналар ҳаракатланаётган вақтида оммавий муштлашув содир бўлди” сарлавҳали видеоматериал тарқалди.
Ушбу ҳолат бўйича Амударё тумани Ички ишлар бўлими туман ҳокимлигининг ахборот хизматига қуйидагиларни маълум қилди:
2021 йил 18 май куни соат 18:00лар атрофида Амударё тумани Ички ишлар бўлимига Манғит шаҳридаги Манғит деҳқон бозори олдида – Маданият кўчаси бўйидаги йўлда жанжал бўлаётганлиги тўғрисидаги хабар келиб тушди.
Хабар асосида махсус гуруҳ ҳодиса жойига борганида, бозорда савдо-сотиқ ишлари билан шуғулланувчи фуқаро Ю.А билан мижоз А.Қ.лар ўртасида олди-сотди масаласида ўзаро келишмовчилик келиб чиққанлиги, кейинчалик ушбу жанжалга мижоз А.Қ.нинг ўғиллари Т.С. ва Т.Н. аралашиб, ўртадаги келишмовчилик катталашиб, жанжал иштирокчилари йўл бўйига чиқиб кетгани аниқланди.
Амударё тумани ИИБ ҳуқуқбузарликлар профилактикаси бўлинмаси инспекторлари томонидан жанжал вақтида тўхтатилиб, жанжалда иштирок қилган фуқароларга тушунтириш ишлари олиб борилган.
Ҳодиса натижасида ҳеч ким тан жароҳати олмаган ва жабрланмаган.
Ҳозирда ушбу ҳолат юзасидан белгиланган тартибда терговга қадар текшириш ишлари олиб борилмоқда.
Амударё тумани ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
