“Ижтимоий профилактика ҳафталиги”нинг якунлари сарҳисоб қилинди
Амударё туманининг Босув маҳалласида ўтказилган “Ижтимоий профилактика ҳафталиги” аҳолининг турмуш даражасини яхшилаш, мавжуд муаммоларни ўрганиш ва уларга амалий ечим топишга қаратилган кенг кўламли тадбир бўлди.
Ҳафталик якунларига бағишланган йиғилишда Амударё тумани ҳокими Собир Хўжаметов, туман прокурори Баҳрам Машарипов, туман Ички ишлар бўлими бошлиғи Махсуд Шеримбетов, мутасадди ташкилотлар вакиллари ҳамда маҳалла фаоллари иштирок этди. Унда амалга оширилган ишлар сарҳисоб қилиниб, эришилган натижалар ва келгусидаги устувор вазифалар муҳокама қилинди.
Бугунги кунда маҳаллаларда аҳоли билан бевосита мулоқотни йўлга қўйиш, фуқароларни қийнаётган масалаларни ўз вақтида аниқлаш ва ҳал этиш давлат сиёсатининг муҳим йўналишларидан бирига айланган. Босув маҳалласида ташкил этилган ҳафталик ҳам айнан шу мақсадга хизмат қилди.
Тадбирлар давомида аҳоли билан очиқ мулоқотлар, сайёр қабуллар ва учрашувлар ўтказилиб, фуқароларнинг мурожаатлари тингланди. Кўплаб масалалар жойида ҳал этилди, айрим мурожаатлар эса мутасадди ташкилотлар назоратига олиниб, уларнинг ечими бўйича аниқ вазифалар белгиланди.
Ҳафталик доирасида аҳоли бандлигини таъминлаш, янги иш ўринларини яратиш ва тадбиркорлик фаолиятини қўллаб-қувватлашга алоҳида эътибор қаратилди. Фуқароларнинг бандлигини таъминлаши, ўз бизнесини йўлга қўйиши ҳамда даромад манбаларини кенгайтириши учун зарур кўмак ва маслаҳатлар берилди. Натижада бир қатор фуқаролар иш билан таъминланиб, тадбиркорлик субъектлари фаолиятидаги айрим муаммолар бартараф этилди.
Ижтимоий ҳимояга муҳтож оилаларни қўллаб-қувватлаш ҳам ҳафталикнинг асосий йўналишларидан бири бўлди. Эҳтиёжманд фуқароларга моддий ва маънавий ёрдам кўрсатилди, тиббий ҳамда ижтимоий хизматлар билан қамраб олиш ишлари ташкил этилди. Уй-жой шароитини яхшилашга муҳтож оилаларга амалий ёрдам берилди.
Ногиронлиги бўлган шахсларни қўллаб-қувватлаш, уларнинг эҳтиёжларини ўрганиш ва зарур техник воситалар билан таъминлаш бўйича ҳам манзилли ишлар олиб борилди. Бу эса уларнинг кундалик ҳаётини енгиллаштириш ва жамиятдаги фаоллигини оширишга хизмат қилмоқда.
Маҳаллада соғлом турмуш тарзини тарғиб қилиш, ёшларнинг бўш вақтини мазмунли ташкил этиш мақсадида спорт ва маданий-маърифий тадбирлар ўтказилди. Ушбу тадбирлар аҳолининг турли қатламларини бирлаштириб, маҳаллада соғлом ва аҳил муҳитни мустаҳкамлашга хизмат қилди.
Ёшлар билан ишлаш йўналишида ҳам қатор учрашувлар, суҳбатлар ва спорт тадбирлари ташкил этилиб, уларнинг муаммо ва таклифлари ўрганилди. Хотин-қизлар билан индивидуал ишлаш, оилалардаги ижтимоий муҳитни мустаҳкамлаш ва низоли вазиятларнинг олдини олиш бўйича ҳам самарали ишлар амалга оширилди.
Ҳуқуқбузарликлар профилактикаси, жамоат хавфсизлигини таъминлаш ва фуқаролар орасида ҳуқуқий маданиятни ошириш мақсадида тарғибот тадбирлари ҳамда профилактик учрашувлар ташкил қилинди. Бу эса маҳаллада тинчлик ва осойишталикни мустаҳкамлашга хизмат қилмоқда.
Шунингдек, коммунал ва муҳандислик инфратузилмасини яхшилаш, электр, газ ва ичимлик суви таъминоти билан боғлиқ масалаларни ўрганиш ҳамда мавжуд камчиликларни бартараф этиш бўйича зарур чоралар кўрилди.
Йиғилишда таъкидланганидек, “Ижтимоий профилактика ҳафталиги” маҳалладаги муаммоларни аниқлаш ва уларни ҳал этишнинг самарали механизмларидан бири сифатида намоён бўлди. Энг муҳими, ушбу тадбирлар орқали фуқароларнинг давлат идораларига бўлган ишончини мустаҳкамлаш, уларнинг мурожаатларига эътибор қаратиш ва ҳаёт сифатини яхшилаш йўлида муҳим қадамлар ташланди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
