Мактаб ўқувчилари суд фаолияти билан танишди

Ёшларнинг ҳуқуқий онгини юксалтириш ва суд тизими фаолияти билан яқиндан таништириш мақсадида, жорий йилнинг 14 март куни жиноят ишлари бўйича Амударё туман судида очиқ мулоқат тадбири ўтказилди. Унда туман Халқ таълими бўлимига қарашли 40-сонли мактаб ўқувчилари иштирок этди.

Тадбир доирасида ўқувчилар қуйидагилар билан танишдилар:

Суд тузилиши: Суд раиси Ж.Балтабаев томонидан суд тизими, девонхона ва архив ишларининг юритилиши бўйича батафсил маълумот берилди.

Инфратузилма: Ёшлар суд мажлиси заллари, прокурор ва адвокатлар учун ажратилган махсус хоналар ҳамда суд кутубхонасини ўз кўзлари билан кўриш имконига эга бўлишди.

Маънавий мерос: Кўп йиллар тизимда ҳалол меҳнат қилган суд фахрийларининг ҳаёт йўли ва ибратли фаолияти ҳақида сўзлаб берилди.

Асосий мақсад:

Ёшларнинг ҳуқуқий маданиятини ошириш.

Одил судловни амалга ошириш жараёнларини шаффоф тарзда тушунтириш.

Келажак авлодда қонун устуворлигига ҳурмат ҳиссини шакллантириш.

Тадбир якунида ўқувчилар ўзларини қизиқтирган саволларга жавоб олдилар. Жонли баҳс ва мунозаралар тарзида ўтган учрашув ёшларда катта таассурот қолдирди.

Жасурбек Балтабаев Жиноят ишлари бўйича Амударё туман суди раиси