Умумтаълим мактабларининг янги ўқув йилига қандай тайёрлангани ва синф хоналарининг санитария-гигиеник ҳолати ўрганилди
Амударё тумани Санитария-эпидемиологик осойишталик ва жамоат саломатлиги бўлими ходимлари тумандаги умумтаълим мактаблари маъмуриятлари томонидан 2024-2025 ўқув йилига қандай тайёргарлик кўрилганини текшириш мақсадида назорат тадбирларини ўтказди.
Тадбирлар давомида мактаблар ҳудудида олиб борилган ободонлаштириш, кўкаламзорлаштириш ишлари, шунингдек, синфхоналар, фан-лаборатория хоналари ҳамда спорт зали ва ошхоналарнинг санитария-гигиеник ҳолати ўрганиб чиқилди.
Туман Санитария-эпидемиологик осойишталик ва жамоат саломатлиги бўлими ходимлари тегишли муассасалар ҳудудида санитария-гигиеник ҳолатни сақлаш юзасидан масъулларга тавсиялар беришди.
Бундан ташқари, умумтаълим мактабларининг ёритиш тизими ҳолати, муассасанинг куз-қиш мавсумга тайёргарлиги, синфхоналар, фан-лаборатория хоналарида ўқув жиҳозларининг “Умумтаълим мактаблари, ўрта махсус таълим муассасаларида синф хоналарига қўйиладиган гигиеник талаблар” номли услубий қўлланмада кўрсатилган қоидаларга мос равишда жойлаштирилиши кўздан кечирилди.
Таъкидлаш жоизки, Вазирлар Маҳкамасининг тегишли қарори билан тасдиқланган “Умумий ўрта таълим тўғрисида”ги Низом ва Адлия вазирлиги рўйхатидан ўтган “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги Низомнинг тегишли бандларида битта синфда ўқувчилар сони кўпи билан 35 нафар бўлиши лозимлиги қайд этилган. Шунга кўра, синфхоналарда ўқувчилар учун яратилиши лозим бўлган шароитлар ва бир нафар болага тўғри келувчи хона майдони белгиланган.
Бундан ташқари “Умумтаълим мактабларининг сақланиши ва ўқувчиларни ўқитилишига қўйиладиган санитария-эпидемиологик талаблар”га асосан бир нафар ўқувчига камида 2 квадрат метр синф майдони тўғри келиши керак. Ушбу норматив ҳужжатнинг 4- ва 5-бўлимларида синфхоналар, информатика ва табиий фанлар хонаси, меҳнат устахоналарида бир нафар ўқувчига тўғри келиши лозим бўлган синф майдони ўлчами ҳам кўрсатилган. Агар 35 нафар ўқувчи бир синфхонада ўқитиладиган бўлса, энг камида 70 квадрат метр майдонга эга хона талаб этилади. Ушбу синфда биринчи парта ва синф доскаси ўртасидаги, охирги партадан синф доскасигача, синф ён девори ва парта орасидаги, икки ўринли парта қаторлари орасидаги, охирги парта ва девор орасидаги масофалар белгиланган талабларга мувофиқ жойлаштирилиши лозим.
Ҳозирда аксарият мактабларда синфхоналар майдони 24дан 50 квадрат метргача бўлиб, бир синфда 35 нафардан ортиқ ўқувчи таҳсил олишига тўғри келган ҳолатлар ҳам кузатилади.
Тадбирлар давомида ўқувчиларнинг шахсий гигиенага риоя қилиши, улар ўртасида юқумли ва паразитар касалликларнинг, шунингдек юқумли бўлмаган касалликларнинг олдини олиш юзасидан тегишли тавсиялар берилди.
Нигора Эшимова, Амударё тумани СЭО ва ЖСБ санитария врачи
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
