TUMAN HOKIMLIGIDA FUQAROLAR MUROJAATI BILAN IShLASh MASALASIDA BRIFING OʻTKAZILDI

Tumanda aholi muammolarini oʻz vaqtida hal etilishini taʼminlash maqsadida ovul va mahalla fuqarolar yigʻinlarida sayyor qabullar hamda  haftaning har juma kuni hokim shaxsiy qabuli tashkil etib kelinmoqda.

Jumladan, joriy yil boshidan shu kunga qadar tuman hokimi rahbarligida 7 marta fuqarolar qabuli tashkil etilgan boʻlib, ushbu qabullarda 564 nafar fuqarolar 642 masalada murojaat qilishdi.

Qabul yakuni boʻyicha tegishli bayonnomalar rasmiylartirib ijrochi tashkilotlarga, shu jumladan mahalalardagi hokim yordamchilariga shu kunning oʻzida yetkazib berilmoqda. Har haftada qabulga kelgan fuqarolar murojaatlari ijrosi apparat yigʻilishida tanqidiy muhokama qilib borilmoqda.

Tuman hokimligiga joriy yil boshidan shu kunga qadar:

- Prezident virtual qabulxonasi orqali 230 ta

- Joʻqorgʻi Kengesning “Xalq murojaati” portali orqali 14 ta

- Qoraqalpogʻiston Respublikasi Vazirlar Kengashi va boshqa tashkilotlar tomonidan yoʻnaltirilgan murojaatlar 79 ta

- tuman hokimi nomiga kelib tushgan murojaatlar 140 ta

- yuridik shaxslar tomonidan kelib tushgan murojaatlar 6 ta

Jami murojaatlar 469 tani tashkil qiladi.

Hokim shaxsiy qabul va bevosita hokimlikka kelib tushgan jami murojaatlar soni 1033 tani tashkil qiladi. Ushbu murojaatlarining 455 ta (44 foiz) murojaatlar ijobiy hal qilindi, 537 ta (52 foiz) murojaat huquqiy maʼlumot berish orqali oʻz yechimini topdi, 41 ta (4 foiz) murojaat uzoq vaqt talab qilganligi sababli ijobiy echish uchun nazoratga olindi.

Kelib tushgan murojaatlar asosan Uy-joy bilan taʼminlash, yoʻllarni shagʻallashtirish, uy-joy taʼmirlash va shiferlash, moddiy yordam ajratib berish, davolanish uchun mablagʻ ajratib berish, kredit ajratib berish, kontrakt shartnoma pullarini toʻlab berish, ishga kirishga koʻmaklashish hamda elektr energiya va tabiiy gaz bilan bogʻliq masalalar haqida.

Oʻzbekiston Respublikasi Vazirlar Mahkamasining 2022-yil 2-fevral kungi 52-sonli qaroriga muvofiq tumanda 1120  ta xonadon shiferlab berildi, 12 ta uy-joyda qayta qurish ishlari olib borildi, 80 km ichki yoʻllarga ShPS yotqizilib taʼmirlash ishlari olib borildi.

Bundan tashqari hokimlik va homiylar tomonidan 220 nafar fuqarolarga 81 tonna koʻmir bepul ajratib berildi.

Oilaviy ahvoli ogʻir sharoitga tushib qolgan 153 nafar fuqaroga 3875 kg un, 1640 kg guruch, 787 kg paxta yogʻi, 380 kg mosh va boshqa oziq-ovqat mahsulotlari ajratib berildi  

Bundan keyin ham fuqarolar murojaatlari bilan ishlashishni ustuvor vazifa sifatida belgilab, har bir fuqaroni “arizachi” yoki “shikoyatchi” sifatida emas, aksincha ularni oʻz huquqlari, erkinliklari va qonuniy manfaatlarini amalga oshirishda amaliy yordam soʻrab kelayotgan insonlar sifatida koʻrib, ular bilan ochiq muloqotda boʻlib masalalarini ijobiy yechimlarini topish uchun barcha zaruriy choralarini koʻrib boramiz.

Jahongir Yuldashev, Amudaryo tumani hokimligi devonxonasi mudiri