KENG VA RAVON YOʻLLAR YuRTIMIZ FAYZI

Bugun yurtimizning qay bir hududiga bormang, ulkan bunyodkorlik ishlariga guvoh boʻlasiz. Ayniqsa, yoʻlsozlar hamda  quruvchilarning qoʻli-qoʻliga tegmaydi.

Joriy yil mobaynida tumanimizda 100 mlrd. soʻmlik mablagʻ  evaziga jami 74ta obʼektda qurilish-taʼmirlash ishlari olib borildi. 

Vazirlar Mahkamasining 2023-yil 12-sentyabr kungi Farmoyishiga asosan tumanda iqtisodiyot tarmoqlari, sanoat korxonalari, xizmat koʻrsatish obʼektlari, koʻp qavatli turar joylar va ijtimoiy soha  obʼektlarni kuz-qish davrida energiya resurslari bilan barqaror taʼminlash maqsadida bir qator ishlar  amalga oshirildi.

Prezidentimizning 2023-yil 10-aprel  kungi Qaroriga asosan Davlat xususiy sherikchilik shartlari doirasida tuman hududidagi jami 125ta ijtimoiy soha  obʼektlarni isitish boʻyicha pudratchi tashkilot “JKB ENERGY GRUP” MChJ tomonidan bitim imzolangan boʻlib, ushbu dastur doirasida 26ta obʼektlarning qozonxonalari yangidan qurildi hamda 89ta yangi qozonlarni oʻrnatish ishlari olib borildi. Shuningdek, ushbu obʼektlarni koʻmir mahsulotlari bilan taʼminlash maqsadida 3 ming 301 tonna koʻmir mahsuloti yetkazib berildi.

Bundan tashqari, byudjet mablagʻlari hisobidan taʼlim muassasalari, sogʻliqni saqlash obʼektlari hamda madaniyat markazlariga jami 4 ming 717 tonna koʻmir mahsulotlari yetkazib berildi.

Tumanimizning mehnatkash fermerlari tomonidan homiylik mablagʻlari hisobidan 21ta isitish pechlari maktabgacha va maktab taʼlimi obʼektlariga oʻrnatib berildi.

Tumanimiz hududidagi aholi xonadonlarini hamda ijtimoiy soha obʼektlarini kuz-qish mavsumida energiya resurslari bilan muntazam taʼminlash boʻyicha ham bir qator ishlar olib borildi.

Xususan, elektr taʼminotini yaxshilash boʻyicha 154ta trasformator punktlarini, 148 km. uzunlikdagi havo tarmoqlarini taʼmirlash, 13ta transformator punktlarini yangidan oʻrnatish hamda 33 km. uzunlikdagi SIP kabellarini tortish ishlari olib borildi.

Prezidentimizning 2021-yil 19-iyun kungi qaroriga asosan tuman hududidagi 9ta koʻp qavatli turar-joylarning kirish yoʻlaklarini taʼmirlash va elektr taqsimlovchi shitlarni hamda fasad qismini taʼmirlash, kodli qulf, temir eshiklarni oʻrnatish ishlari olib borildi.

Prezidentimizning 2022-yil 25-oktyabr kungi “2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida”gi Qaroriga asosan tumanimizda mavjud muammolarni bartafar etish va infratuzilmasini rivojlantirish maqsadida 26 mlrd. 623,1 mln. soʻm evaziga jami 27ta obʼektda qurilish ishlari olib borilmoqda.

Ushbu qarorga muvofiq tumanimizda umumiy qiymati 12 mlrd. 303 mln. soʻmlik 60,4 km. uzunlikdagi ichki yoʻllarni taʼmirlash, shundan 56,4 km. uzunlikdagi yoʻllarga  tosh-shagʻal yotqizish  ishlari amalga oshirildi.

Shuningdek, Namuna va Qumyop mahallalarida suv inshootlarini rekonstruktsiya qilish, Xizr eli, Yuqori qishloq mahallalarining maʼmuriy binolari mavjud boʻlmaganligi sababli, ushbu mahallalarga yangidan mahalla kompleksi binolarini qurish ishlari yakunlandi.

Doʻstlik mahallasi hududida jami qiymati 334,3 mln. soʻmlik universal bolalar sport maydonchasi yangidan qurilib, foydalanishga topshirildi.

Rashid Abdullayev,

tuman hokimligining  sanoat, yirik qurilish, kommunikatsiya, kommunal xoʻjaligi va

obodonlashtirish masalalari boʻyicha majmuasi  bosh mutaxassisi.