MASʼULIYaTLI VAZIFA MUNOSIB ADO ETILMOQDA

Sud hujjatlari va boshqa organlar hujjatlarini majburiy ijro etish Oʻzbekiston Respublikasi Bosh prokuraturasi huzuridagi Majburiy ijro byurosi tomonidan amalga oshiriladi. Sud hujjatlari va boshqa organlar hujjatlarining soʻzsiz ijrosini taʼminlash, ijro hujjatlari hamda undirilgan mablagʻlarning haqqoniy hisobini yuritish, ijro ishi yuritishda sansalorlik va suiisteʼmolchilik holatlarining  oldini olish  ham asosiy vazifalardandir.

Byuroning  tuman boʻlimi tomonidan Oʻzbekiston Respublikasi Prezidentining 2020-yil 24-noyabrdagi «Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari toʻgʻrisida»gi Farmoni talablarining bajarilishi yuzasidan joriy yilning 8 oyi davomida bir qancha ijobiy ishlar amalga oshirildi.

2023-yilning yanvar oyi holatiga koʻra, boʻlim ish yurituvida oʻtgan yil qoldigʻi bilan jami 41 mlrd. 313 mln. soʻmlik  7777ta ijro hujjatlari mavjud  edi. 2023-yil sentyabr oyi holatiga koʻra esa 133 mlrd. 183 mln.  soʻmlik 8670 ta ijro hujjati tamomlandi. Shundan 94 mlrd. 296 mln.  soʻmlik  5551ta ijro hujjatlari amalda undirilgan boʻlsa, 59 mlrd.  873 mln. soʻmlik 10993ta ijro hujjatlari keyingi oy boshiga qoldiqda qolgan.

Davlat foydasiga undiruvlar boʻyicha jami ish yurituviga 54 mlrd . 714 mln.  soʻmlik  13343ta ijro hujjatlari mavjud boʻlib, 39 mlrd. 905 mln. soʻmlik  jami 6008ta ijro hujjati  tamomlangan. Shundan 21 mlrd. 541 mln. soʻmlik 4200ta ijro hujjatlari amalda undirilgan boʻlsa, 14 mlrd,  808 mln.  soʻmlik 7335ta ijro hujjatlari hisobot davri oxiriga qoldiqda qolgan. Shu jumladan, soliq qarzini undirish boʻyicha 45 mlrd. 251 mln. soʻmlik 3747 ta ijro hujjatlari mavjud boʻlib, 34 mlrd. 734 mln. soʻmlik 2064ta ijro hujjati  tamomlangan boʻlib,  shundan 17 mlrd. 397 mln. soʻmlik 1091ta ijro hujjatlari amalda undirildi.

Maʼmuriy va jinoiy jarimalar undirish boʻyicha esa 3 mlrd. 575 mln. soʻmlik 3781ta ijro hujjatlari mavjud boʻlib, 1 mlrd. 661 mln. soʻmlik 1594ta ijro hujjati  tamomlangan. Shundan 1 mlrd. 7 mln. soʻmlik 1353ta ijro hujjatlari amalda undirilgan boʻlib, oy boshiga 1 mlrd. 913 mln. soʻmlik 2187ta ijro hujjatlari qoldiqda qolgan.

Aliment va davriy toʻlovlar boʻyicha 1223ta ijro hujjati mavjud boʻlib, shundan 280ta ijro hujjati tamomlangan, 943ta ijro hujjatlari qoldiqda boʻlib,  undiruv  Oʻzbekiston Respublikasining tegishli Qonuniga  muvofiq 548ta qarzdorlarning ish haqi va unga tenglashtirilgan boshqa toʻlovlariga qaratilgan.

Byuroning  tuman boʻlimi tomonidan joriy yilning 8 oy davomida aliment nafaqasini toʻlamasdan qasddan boʻyin tovlab kelayotgan 19 nafar qarzdorlar Oʻzbekiston Respublikasi "Maʼmuriy javobgarlik toʻgʻrisida"gi Kodeksining 474-moddasiga asosan maʼmuriy javobgarlikka tortildi.

Boʻlimga jami 287ta murojaat kelib tushgan  edi, shundan 249tasi hal etilib, 83tasi qanoatlantirildi  va 166tasiga huquqiy tushuntirish berildi.

Majburiy ijro byurosi tuman boʻlimi xodimlari oʻzlarining zimmasidagi masʼuliyatli vazifalarni belgilangan qonun-qoidalar asosida sidqidildan ado etmoqdalar.

Tuman hokimligi Axborot xizmati.